Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Af hverju fær maður hiksta og eru til einhverja góðar leiðir til þess að losna við hann?

Í svari Ólafs Páls Jónssonar við spurningunni Hvers vegna fær maður hiksta? segir meðal annars:
Hiksti er krampi í þindinni sem veldur snöggri innöndun sem stöðvast síðan jafn snögglega við það að bilið á milli raddbandanna lokast, en það veldur einmitt hljóðinu sem fylgir þessum kvilla. Algengasta orsök hiksta er sú að fólk kann sér ekki magamál, hvort heldur í mat eða drykk. Þegar fólk borðar eða drekkur of mikið þenst maginn út og þrýstir á þindina.

Til eru mörg ráð við hiksta. Vitað er að lágt hlutfall af koltvíoxíðið í blóði gerir hiksta verri, og með því að halda niðri í sér andanum á maður að geta læknað hiksta, en þá hækkar einmitt hlutfall koltvíoxíðs í blóðinu.



Margir trúa því að vatnsdrykkja lækni hiksta.

Margir þekkja þau ráð að drekka kalt vatn, að kyngja þrisvar án þess að anda á milli eða láta manni bregða, en allt þetta á að trufla hikstann. Hversu árangursrík þessi ráð eru skal hins vegar ósagt látið.

Lesendum er bent á að kynna sér áðurnefnt svar Ólafs Páls í heild sinni.

Mynd: Albany Research Center


Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.

Útgáfudagur

10.5.2006

Spyrjandi

Snædís Gerður Hlynsdóttir, f. 1991, Katrín Eva Hafsteinsdóttir, f. 1997

Efnisorð

Höfundur

Emilía Dagný Sveinbjörnsdóttir

landfræðingur og starfsmaður Vísindavefsins

Tilvísun

EDS. „Af hverju fær maður hiksta og eru til einhverja góðar leiðir til þess að losna við hann?“ Vísindavefurinn, 10. maí 2006. Sótt 19. júlí 2019. http://visindavefur.is/svar.php?id=5898.

EDS. (2006, 10. maí). Af hverju fær maður hiksta og eru til einhverja góðar leiðir til þess að losna við hann? Vísindavefurinn. Sótt af http://visindavefur.is/svar.php?id=5898

EDS. „Af hverju fær maður hiksta og eru til einhverja góðar leiðir til þess að losna við hann?“ Vísindavefurinn. 10. maí. 2006. Vefsíða. 19. júl. 2019. <http://visindavefur.is/svar.php?id=5898>.

Chicago | APA | MLA

Sendu inn spurningu
eða

Vísindadagatalið

Jón Hallsteinn Hallsson

1976

Jón Hallsteinn Hallsson er dósent í erfðafræði við Landbúnaðarháskóla Íslands og aðjúnkt við Læknadeild Háskóla Íslands. Rannsóknir Jóns snúa að því að auka skilning okkar á aðlögun landbúnaðar að norðurslóðum með rannsóknum á bæði nytjaplöntum og -dýrum.