Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hver bjó til tungumálið?

Tungumál er nokkuð sem orðið hefur til á löngum tíma en ekki uppfinning sem hægt er að rekja til einnar manneskju. Yfirleitt er gert ráð fyrir að fyrstu orðin sem mynduðust hafi verið hljóðlíkingar, menn hafi verið að líkja eftir einhverjum hljóðum úr náttúrunni. Síðan hafi þessi hljóð þróast nánar og orðið grunnur að samskiptum manna á milli. Smám saman varð til flókið kerfi orða sem mynduðu tungumál.

Með þróun mannsins hefur tungumálið þróast úr frumstæðum hljóðum yfir í flókið kerfi orða.

Hægt er að lesa meira um þetta í svari Guðrúnar Kvaran við spurningunni Hvernig urðu orð til? Einnig má benda á svar Diane Nelson við spurningunni Hvernig verður tungumál til? og svar Þorsteins Vilhjálmssonar Hver bjó til tungumálið islensku?
Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.

Mynd:

Útgáfudagur

4.10.2006

Spyrjandi

Birta Rún, f. 1996

Höfundur

Emilía Dagný Sveinbjörnsdóttir

landfræðingur og starfsmaður Vísindavefsins

Tilvísun

EDS. „Hver bjó til tungumálið?“ Vísindavefurinn, 4. október 2006. Sótt 21. ágúst 2018. http://visindavefur.is/svar.php?id=6238.

EDS. (2006, 4. október). Hver bjó til tungumálið? Vísindavefurinn. Sótt af http://visindavefur.is/svar.php?id=6238

EDS. „Hver bjó til tungumálið?“ Vísindavefurinn. 4. okt. 2006. Vefsíða. 21. ágú. 2018. <http://visindavefur.is/svar.php?id=6238>.

Chicago | APA | MLA

Sendu inn spurningu
eða

Vísindadagatalið

Guðmundur Jónsson

1955

Guðmundur Jónsson er prófessor í sagnfræði við Háskóla Íslands. Hann hefur lengi fengist við kennslu og útgáfu rita um sagnaritun, staðið fyrir nýjungum í aðferðum og miðlun sögulegs efnis, gerð rafrænna gagnasafna, stofnun Miðstöðvar munnlegrar sögu, og notkun landupplýsingakerfa í sagnfræðirannsóknum.