Sólin Sólin Rís 09:02 • sest 17:19 í Reykjavík
Tunglið Tunglið Rís 17:44 • Sest 05:38 í Reykjavík
Flóð Flóð Árdegis: 05:15 • Síðdegis: 17:29 í Reykjavík
Fjaran Fjara Árdegis: 11:24 • Síðdegis: 23:39 í Reykjavík
Árnastofnun - mynd í *Árnarstofnun

Er orðið lambskalli til í íslensku í merkingunni sviðahaus?

Guðrún Kvaran

Orðið lambskalli finnst ekki í hefðbundnum orðabókum og engin dæmi voru til í söfnum Orðabókar Háskólans. Ef leitað er á leitarvélinni Google finnst eitt dæmi um orðið á síðu um færeyskan mat. Mynd er af matnum og enginn vafi er á að þar er um sviðahaus að ræða.

Orðið finnst ekki í nýlegri færeyskri orðabók en færeyska orðið yfir svið er sviðin seyðarhøvd.



Lambskalli.

Á Google finnst einnig orðið lammskalle um vinsælan rétt á Gotlandi. Ekki virðist um sambærilegan rétt að ræða og íslensk svið. Lammskalle er ekki fletta í sænskum orðabókum, til dæmis Svenska akademiens ordbok, en skalle er þar notað um þann hluta höfuðkúpunnar sem umlykur heilann.

Lambskalli er dæmigert slanguryrði notað í gamansömum tón og gæti vel verið notað þannig í færeysku. Þegar lambshausinn hefur verið sviðinn líkist hvirfillinn óneitanlega skalla á manni. Vel er líklegt að orðið þekkist eitthvað í talmáli hérlendis.

Fleiri svör um kindur og Færeyjar:

Mynd:

Höfundur

Guðrún Kvaran

prófessor

Útgáfudagur

8.10.2007

Spyrjandi

Einar Haraldsson

Tilvísun

Guðrún Kvaran. „Er orðið lambskalli til í íslensku í merkingunni sviðahaus?“ Vísindavefurinn, 8. október 2007. Sótt 29. október 2020. http://visindavefur.is/svar.php?id=6835.

Guðrún Kvaran. (2007, 8. október). Er orðið lambskalli til í íslensku í merkingunni sviðahaus? Vísindavefurinn. Sótt af http://visindavefur.is/svar.php?id=6835

Guðrún Kvaran. „Er orðið lambskalli til í íslensku í merkingunni sviðahaus?“ Vísindavefurinn. 8. okt. 2007. Vefsíða. 29. okt. 2020. <http://visindavefur.is/svar.php?id=6835>.

Chicago | APA | MLA

Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Er orðið lambskalli til í íslensku í merkingunni sviðahaus?
Orðið lambskalli finnst ekki í hefðbundnum orðabókum og engin dæmi voru til í söfnum Orðabókar Háskólans. Ef leitað er á leitarvélinni Google finnst eitt dæmi um orðið á síðu um færeyskan mat. Mynd er af matnum og enginn vafi er á að þar er um sviðahaus að ræða.

Orðið finnst ekki í nýlegri færeyskri orðabók en færeyska orðið yfir svið er sviðin seyðarhøvd.



Lambskalli.

Á Google finnst einnig orðið lammskalle um vinsælan rétt á Gotlandi. Ekki virðist um sambærilegan rétt að ræða og íslensk svið. Lammskalle er ekki fletta í sænskum orðabókum, til dæmis Svenska akademiens ordbok, en skalle er þar notað um þann hluta höfuðkúpunnar sem umlykur heilann.

Lambskalli er dæmigert slanguryrði notað í gamansömum tón og gæti vel verið notað þannig í færeysku. Þegar lambshausinn hefur verið sviðinn líkist hvirfillinn óneitanlega skalla á manni. Vel er líklegt að orðið þekkist eitthvað í talmáli hérlendis.

Fleiri svör um kindur og Færeyjar:

Mynd: