Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Hvaða dýr eru algeng í Árnessýslu?

Hænur eru algengasta dýrið í Árnessýslu, alla vega ef átt er við húsdýr. Samkvæmt upplýsingum á heimasíðu Hagstofu Íslands voru samtals 37.096 hænur í þeim sveitarfélögum sem tilheyra Árnessýslu árið 2006 (nýrri upplýsingar lágu ekki fyrir). Til samanburðar voru íbúar á þessu svæði 12.629 þetta sama ár, eða þrisvar sinnum færri en hænurnar.


Hænur eru algengasta húsdýrið í Árnessýslu.
Sauðfé er næst algengasta húsdýrategundin í Árnessýslu, en þar voru rúmlega 22.000 kindur árið 2006. Þar á eftir koma hross, um 13.000, og svo nautgripir sem voru rúmlega 12.300 eða litlu færri en mannskepnan.

Svo má auðvitað spyrja um villt dýr eins og refi, minka, mýs, rjúpur og aðra fugla en okkur er ekki kunnugt um tölur um slíkt eftir sýslum eða sveitarfélögum enda fylgja þess konar dýr ekki sýslumörkum í búsetu sinni eða ferðum. Auk þess er fjöldi einstaklinga af þessum tegundum afar breytilegur eftir árstíma.

Mynd: Umhverfisstofnun. Sótt 9. 4. 2008.


Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.

Útgáfudagur

5.3.2008

Spyrjandi

Áslaug Ragna Stefánsdóttir

Höfundur

Emilía Dagný Sveinbjörnsdóttir

landfræðingur og starfsmaður Vísindavefsins

Tilvísun

EDS. „Hvaða dýr eru algeng í Árnessýslu?“ Vísindavefurinn, 5. mars 2008. Sótt 27. maí 2018. http://visindavefur.is/svar.php?id=7178.

EDS. (2008, 5. mars). Hvaða dýr eru algeng í Árnessýslu? Vísindavefurinn. Sótt af http://visindavefur.is/svar.php?id=7178

EDS. „Hvaða dýr eru algeng í Árnessýslu?“ Vísindavefurinn. 5. mar. 2008. Vefsíða. 27. maí. 2018. <http://visindavefur.is/svar.php?id=7178>.

Chicago | APA | MLA

Sendu inn spurningu
eða

Vísindadagatalið

Páll Jensson

1947

Páll Jensson er prófessor í verkfræði og sviðsstjóri Fjármála- og rekstrarverkfræðisviðs við Tækni- og verkfræðideild HR. Hann hefur stundað rannsóknir á ýmsum sviðum rekstrarverkfræði, einkum á hagnýtingu aðgerðarannsókna í íslensku atvinnulífi.