Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Er vitað hvernig Skessugarður myndaðist?

Í heild hljóðaði spurningin svona:
Er vitað hvernig Skessugarður inn við Sænautafell/Grjótháls myndaðist og er fleiri slíkar myndanir að finna víðar á landinu?

Skessugarður er mikill ruðningshryggur gerður úr ferlegu, dílóttu stórgrýti og liggur þvert yfir Grjótgarðsháls frá vestri til austurs, vestan við Grjótgarðsvatn ytra. Garðurinn er um 300 m langur og allt að 7 m hár á kafla að utanverðu, en stórgrýtisdreif af sömu bergtegund er á hálsinum báðum megin við garðinn. Garðurinn markar stöðnunar- eða framrásarstig Brúarjökuls í lok síðasta jökulskeiðs.

Skessugarður á Grjótgarðsháls vestan við Sænautafell. Garðurinn er einstæður að því leyti að hann er aðeins gerður úr stórgrýti en fínefni vantar. Sennilega hefur vatnsflóð skolað burt fíngerðara efninu eftir að garðurinn myndaðist.

Skessugarður mun vera næsta einstæður meðal jökulgarða að því leyti að hann er gerður úr stórgrýti einu saman — fínefni vantar — en meðal einkenna jökulgarða er það einmitt að í þeim ægir saman misgrófu efni, frá jökulleir til stórgrýtis. Skýring þessa er sennilega sú að vatnsflóð hafi skolað burt fíngerðara efninu eftir að garðurinn myndaðist, og stórgrýtið eitt orðið eftir.

Þessi grjóthryggur er því merkilegt jarðfræðilegt fyrirbæri sem á fáa eða enga sína líka, hérlendis eða erlendis.

Nafnið tengist gamalli tröllasögu; tvær skessur áttu að hafa hlaðið garðinn sem landmerki á milli sín. Sæmileg bílaslóð er af gamla Möðrudalsveginum um hálstaglið inn að vatninu og garðinum.

Myndskreytt lesefni:

Mynd:

Útgáfudagur

1.9.2016

Spyrjandi

Bragi Sigurðsson, Gísli Arnar Guðmundsson, Snorri Gylfason

Höfundur

Sigurður Steinþórsson

prófessor emeritus

Tilvísun

Sigurður Steinþórsson. „Er vitað hvernig Skessugarður myndaðist?“ Vísindavefurinn, 1. september 2016. Sótt 23. júní 2018. http://visindavefur.is/svar.php?id=72037.

Sigurður Steinþórsson. (2016, 1. september). Er vitað hvernig Skessugarður myndaðist? Vísindavefurinn. Sótt af http://visindavefur.is/svar.php?id=72037

Sigurður Steinþórsson. „Er vitað hvernig Skessugarður myndaðist?“ Vísindavefurinn. 1. sep. 2016. Vefsíða. 23. jún. 2018. <http://visindavefur.is/svar.php?id=72037>.

Chicago | APA | MLA

Sendu inn spurningu
eða

Vísindadagatalið

Kolbrún Þ. Pálsdóttir

1971

Kolbrún Þ. Pálsdóttir er dósent í tómstunda- og félagsmálafræði. Rannsóknir hennar hafa einkum beinst að tengslum formlegs og óformlegs náms, hlutverki frístundaheimila og samstarfi innan menntakerfa.