Af hverju eru bakteríur í heiminum?

Nafn þitt

Netfang þitt

Netfang móttakanda

Ruslpóstvörn =

Svar

Af hverju eru bakteríur í heiminum?
Einfaldasta svarið er kannski: Af því að þær þrífast!

Margar tegundir baktería urðu til fyrir mjög löngu og hafa þrifist ágætlega allar götur síðan, en hafa raunar talsvert aðra næringarkosti á síðari tímabilum jarðsögunnar en þær eða forverar þeirra höfðu í öndverðu.

Samkvæmt hugmyndum okkar um þróun lífsins á jörðinni byrjaði saga lífsins með því að til varð lítil og einföld lífvera, einfrumungur, sem var búin þeim eiginleika að út frá henni urðu til nýjar lífverur næstum því eins og sú fyrsta. Þessar lífverur fjölguðu sér og út frá þeim mynduðust síðan nýjar tegundir. Eftir langan tíma fóru lífverurnar svo að verða flóknari og flóknari, lífverur með mörgum frumum urðu til og svo framvegis.

Bakteríur eru meðal þeirra lífvera sem nú lifa og eru líkastar þessum upphaflegu tegundum einfrumunga. Það er því ekki fjarri sanni að við finnum í hópi baktería einhverjar elstu tegundir sem nú lifa á jörðinni.

---

Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur....