Sólin Sólin Rís 04:09 • sest 22:42 í Reykjavík
Tunglið Tunglið Rís 00:00 • Sest 00:00 í Reykjavík
Flóð Flóð Árdegis: 08:24 • Síðdegis: 20:43 í Reykjavík
Fjaran Fjara Árdegis: 02:26 • Síðdegis: 14:23 í Reykjavík
Sólin Sólin Rís 04:09 • sest 22:42 í Reykjavík
Tunglið Tunglið Rís 00:00 • Sest 00:00 í Reykjavík
Flóð Flóð Árdegis: 08:24 • Síðdegis: 20:43 í Reykjavík
Fjaran Fjara Árdegis: 02:26 • Síðdegis: 14:23 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Vísindavefur Dagatal íslenskra vísindamanna Hvaða rannsóknir hefur Stefán Hrafn Jónsson stundað?

Flokkun:

28.6.2018
Vísindavefur Dagatal íslenskra vísindamanna
Félagsvísindi Félagsvísindi almennt

Hvaða rannsóknir hefur Stefán Hrafn Jónsson stundað?

Ritstjórn Vísindavefsins og Vísindafélag Íslands

Vísindafélag Íslendinga - 100 ára
Unglingar, lýðfræði, vinnumarkaðsrannsóknir, lýðheilsa og félagslegir áhrifaþættir heilsu og heilsutengdrar hegðunar er það sem einkennir rannsóknir Stefáns Hrafns Jónssonar, prófessors í félagsfræði við Háskóla Íslands. Stefán Hrafn hefur tekið þátt í og stjórnað fjölmörgum innlendum rannsóknarverkefnum og þátttöku Íslands í fjölþjóðlegum rannsóknarverkefnum.

Stefán Hrafn fæddist árið 1968 og lauk stúdentsprófi frá náttúrufræðibraut Menntaskólans í Reykjavík 1988. Hann lauk BA-prófi í sálfræði við Háskóla Íslands 1994, meistaragráðu í lýðfræði og félagsfræði við Pennsylvania State University árið 1999 og doktorsprófi í sömu greinum við sama skóla árið 2009.

Unglingar, lýðfræði, vinnumarkaðsrannsóknir, lýðheilsa og félagslegir áhrifaþættir heilsu og heilsutengdrar hegðunar er það sem einkennir rannsóknir Stefáns.

Eftir BA-próf í sálfræði starfaði Stefán Hrafn við Rannsóknarstofnun uppeldis- og menntamála við unglingarannsóknir í samstarfi við Þórólf Þórlindsson, Jón Gunnar Bernburg og Þórodd Bjarnason auk þess að stýra gagnaskráningu í fjölþjóðlegu rannsóknarverkefnunum TIMSS, ESPAD og Ungt fólk 1997. Í meistaranáminu kannaði Stefán Hrafn breytingar á sambandi launþega við vinnuveitendur og tengsl þess við aukinn ójöfnuð í launum í Bandaríkjunum. Í doktorsnáminu glímdi Stefán, ásamt leiðbeinendum, meðal annars við að finna nýjar aðferðir til að spá fyrir um fjölda fæðinga innflytjenda frá Mexíkó í Bandaríkjunum en áhrif þeirra á framtíðarsamsetningu mannfjöldans hafði áður verið stórlega vanmetin.

Stefán Hrafn starfaði við Lýðheilsustöð árin 2005-2011 þar sem hann sinnti fjölmörgum rannsóknarverkefnum tengdum heilsu og heilsutengdri hegðun. Sem dæmi vann Stefán Hrafn með nokkrum tannlæknum við rannsóknarverkefni Munnís sem var faraldsfræðileg rannsókn á munn- og tannsjúkdómum íslenskra barna árið 2005.

Núverandi rannsóknaráherslur Stefáns Hrafns eru á félagsfræði menntunar og lýðfræði grunnskólakennara. Helgi Eiríkur Eyjólfsson meistaranemandi dreif áfram verkefni með Stefáni Hrafni þar sem aðferðir lýðfræðinnar voru notaðar til að spá fyrir um fjölda grunnskólakennara næstu áratugi og áhrifaþætti þess að hluti þeirra hverfur frá kennslu fyrstu árin eftir útskrift.

Mynd:
  • © Kristinn Ingvarsson.

Höfundar

Ritstjórn Vísindavefsins

Ritstjórn Vísindavefsins

Vísindafélag Íslands

Vísindafélag Íslands

Útgáfudagur

28.6.2018

Síðast uppfært

5.7.2018

Spyrjandi

Ritstjórn

Efnisorð

Tilvísun

Ritstjórn Vísindavefsins og Vísindafélag Íslands. „Hvaða rannsóknir hefur Stefán Hrafn Jónsson stundað?“ Vísindavefurinn, 28. júní 2018, sótt 16. maí 2025, https://visindavefur.is/svar.php?id=75971.

Ritstjórn Vísindavefsins og Vísindafélag Íslands. (2018, 28. júní). Hvaða rannsóknir hefur Stefán Hrafn Jónsson stundað? Vísindavefurinn. https://visindavefur.is/svar.php?id=75971

Ritstjórn Vísindavefsins og Vísindafélag Íslands. „Hvaða rannsóknir hefur Stefán Hrafn Jónsson stundað?“ Vísindavefurinn. 28. jún. 2018. Vefsíða. 16. maí. 2025. <https://visindavefur.is/svar.php?id=75971>.

Chicago | APA | MLA

Tengd svör

Skoða öll nýjustu svörin

Þessi síða notar vafrakökur Nánari upplýsingar

Ég samþykki

Senda grein til vinar

=

Hvaða rannsóknir hefur Stefán Hrafn Jónsson stundað?
Unglingar, lýðfræði, vinnumarkaðsrannsóknir, lýðheilsa og félagslegir áhrifaþættir heilsu og heilsutengdrar hegðunar er það sem einkennir rannsóknir Stefáns Hrafns Jónssonar, prófessors í félagsfræði við Háskóla Íslands. Stefán Hrafn hefur tekið þátt í og stjórnað fjölmörgum innlendum rannsóknarverkefnum og þátttöku Íslands í fjölþjóðlegum rannsóknarverkefnum.

Stefán Hrafn fæddist árið 1968 og lauk stúdentsprófi frá náttúrufræðibraut Menntaskólans í Reykjavík 1988. Hann lauk BA-prófi í sálfræði við Háskóla Íslands 1994, meistaragráðu í lýðfræði og félagsfræði við Pennsylvania State University árið 1999 og doktorsprófi í sömu greinum við sama skóla árið 2009.

Unglingar, lýðfræði, vinnumarkaðsrannsóknir, lýðheilsa og félagslegir áhrifaþættir heilsu og heilsutengdrar hegðunar er það sem einkennir rannsóknir Stefáns.

Eftir BA-próf í sálfræði starfaði Stefán Hrafn við Rannsóknarstofnun uppeldis- og menntamála við unglingarannsóknir í samstarfi við Þórólf Þórlindsson, Jón Gunnar Bernburg og Þórodd Bjarnason auk þess að stýra gagnaskráningu í fjölþjóðlegu rannsóknarverkefnunum TIMSS, ESPAD og Ungt fólk 1997. Í meistaranáminu kannaði Stefán Hrafn breytingar á sambandi launþega við vinnuveitendur og tengsl þess við aukinn ójöfnuð í launum í Bandaríkjunum. Í doktorsnáminu glímdi Stefán, ásamt leiðbeinendum, meðal annars við að finna nýjar aðferðir til að spá fyrir um fjölda fæðinga innflytjenda frá Mexíkó í Bandaríkjunum en áhrif þeirra á framtíðarsamsetningu mannfjöldans hafði áður verið stórlega vanmetin.

Stefán Hrafn starfaði við Lýðheilsustöð árin 2005-2011 þar sem hann sinnti fjölmörgum rannsóknarverkefnum tengdum heilsu og heilsutengdri hegðun. Sem dæmi vann Stefán Hrafn með nokkrum tannlæknum við rannsóknarverkefni Munnís sem var faraldsfræðileg rannsókn á munn- og tannsjúkdómum íslenskra barna árið 2005.

Núverandi rannsóknaráherslur Stefáns Hrafns eru á félagsfræði menntunar og lýðfræði grunnskólakennara. Helgi Eiríkur Eyjólfsson meistaranemandi dreif áfram verkefni með Stefáni Hrafni þar sem aðferðir lýðfræðinnar voru notaðar til að spá fyrir um fjölda grunnskólakennara næstu áratugi og áhrifaþætti þess að hluti þeirra hverfur frá kennslu fyrstu árin eftir útskrift.

Mynd:
  • © Kristinn Ingvarsson.

...