Af hverju finnast ekki villtir hérar á Íslandi?

Nafn þitt

Netfang þitt

Netfang móttakanda

Ruslpóstvörn =

Svar

Af hverju finnast ekki villtir hérar á Íslandi?
Upprunalega spurningin var:

Finnast hérar á Íslandi, líkt og kanínur og ef ekki, er þá einhver sérstök ástæða fyrir því?

Hérar finnast ekki á Íslandi vegna þess að hér hefur þeim ekki verið sleppt á sama hátt og kanínum. Hérar hafa verið fluttir nokkrum sinnum til landsins, meðal annars í þeim tilgangi að sleppa þeim lausum. Slíkar tilraunir hafa hins vegar endað frekar illa. Fyrst voru hérar fluttir til Íslands árið 1784 en þeir drápust sennilega vegna ágangs tófu. Árið 1861 voru nokkrir hérar fluttir út í Viðey en þar sem þeir þóttu frekar aðgangsharðir í æðavarpinu voru þeir drepnir.

Fyrri tilraunir manna til að koma á fót íslenskum hérastofni hafa ekki tekist og afar litlar líkur eru á því að reynt verði að endurtaka leikinn nú á dögum. Viðhorf til innflutnings á dýrum í villta náttúru landsins hafa gjörbreyst frá því sem fyrr var. Áhrifin af slíkum tilraunum kynnu að verða umtalsverð á vistkerfi landsins.

Þess má að lokum geta að fjallahérar (Lepus timidus) lifa villtir í Færeyjum og virðist dýrunum vegna þar vel. Enginn refastofn er í Færeyjum og hérarnir eru því lausir við ágang refa. Refir hafa engu að síður sloppið við og við af refabúum í Færeyjum en ekki náð að hasla sér völl. Alls var þremur hérum sleppt lausum nærri Þórshöfn árið 1854 og er talið að allir hérar á eyjunum séu komnir af þessum dýrum. Færeyski hérastofninn telur nú í kringum 15 þúsund dýr!

Frekara lesefni:

• Sunnanfari - 8. tölublað (01.02.1896) - Tímarit.is. (Sótt 19.05.2021).
• Náttúrufræðingurinn - 9.-10. Tölublað (01.10.1933) - Tímarit.is. (Sótt 19.05.2021).

Mynd:

• Mountain Hare (Lepus timidus), Beorgs of... © Mike Pennington cc-by-sa/2.0 :: Geograph Britain and Ireland. (Sótt 19.05.2021). Myndin er birt undir leyfinu Creative Commons — Attribution-ShareAlike 2.0 Generic — CC BY-SA 2.0.
...