Hvort geymist brauð betur fyrir utan ísskáp eða inni í honum?

Nafn þitt

Netfang þitt

Netfang móttakanda

Ruslpóstvörn =

Svar

Hvort geymist brauð betur fyrir utan ísskáp eða inni í honum?
Hægt er að svara þessari spurningu á tvo vegu eftir því hvort átt er við geymslu með tilliti til örverufræðilegra þátta eða gæðaskerðingar vegna hörðnunar brauðsins.

Út frá örverufræði má reikna með að brauð geymist lengur í ísskáp heldur en í stofuhita. Algengustu örveruskemmdir í brauðum eru vegna myglusveppa, en þeir fjölga sér hraðar við stofuhita en ísskápshita. Að vísu eru þeir harðgerir og geta þar af leiðandi líka fjölgað sér við lágt hitastig, en mygluferlið tekur lengri tíma við lágan hita.

Út frá gæðum og þá með tilliti til mýktar brauðsins er vænlegra að geyma það við stofuhita. Þetta er vegna þess að sterkja í brauðinu á formi amýlópektíns breytist með tímanum úr myndlausu (amorphous) í kristalform og við það harðnar brauðið. Þessi hörðnun gengur hraðast við 4°C, sem er um það bil hitastig í ísskápi en mun hægar við frystingu (-20°C) og stofuhita eða hærri hita.

Mynd:

• Fresh made bread 05.jpg - Wikimedia Commons. Höfundur myndar Fran Hogan. Birt undir Creative Commons Attribution-ShareAlike 4.0 International leyfir. (Sótt 27.10.2023).

...