Hvað er „hvít“ lygi, hvers vegna er hún hvít?

Nafn þitt

Netfang þitt

Netfang móttakanda

Ruslpóstvörn =

Svar

Hvað er „hvít“ lygi, hvers vegna er hún hvít?
Upprunalega var spurningin svona:

Hvað er „hvít“ lygi, hvers vegna hvít og væri þá hægt að finna lygar í (mörgum) öðrum litum?

Orðasambandið hvít lygi hefur líklega borist í málið úr ensku þar sem orðasambandið white lie er vel þekkt. Í Chambers 20th Century Dictionary (1983:728) segir um merkinguna: ‘a minor falsehood, esp. one uttered for reasons of tact, etc.’ (minni háttar ósannindi, einkum sögð í kurteisisskyni o.s.frv.).

Það er til dæmis hvít lygi að segja barni að tannálfurinn hafi tekið tönn þess undan koddanum og skilið eitthvað eftir í staðinn eða að jólasveinninn hafi sett nammi í skóinn. Það er líka hvít lygi að hrósa klippingu eða hárgreiðslu vinar eða vinkonu eða flík eða öðru sem okkur þykir forljótt einungis til þess að særa ekki viðkomandi.

Lýsingarorðið hvítur er hér notað til að draga úr því að notuð er lygi en yfirleitt er það talið löstur að ljúga.

Heimild:

• Chambers 20th Century Dictionary. 1983. E. M. Kirkpatrick (ritstj.). New Edition. W. and R. Chambers Ltd. Edinburgh.

Mynd:

• #4 - The Tooth Fairy - "Leave your tooth under the pillow, a… - Flickr. (Sótt 2.07.2025). Myndina tók Alan og hún er birt undir leyfinu Deed - Attribution-NonCommercial-ShareAlike 2.0 Generic - Creative Commons.

...