Vísindavefurinn: Vísindavefurinn og HHÍ endurnýja samstarfssamning sinn

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hlusta

Bryndís Hrafnkelsdóttir, framkvæmdastjóri Happdrættis Háskóla Íslands, Silja Bára R. Ómarsdóttir, rektor Háskóla Íslands, og Jón Gunnar Þorsteinsson, ritstjóri Vísindavefs HÍ, endurnýjuðu á dögunum samning um stuðning Happdrættisins við Vísindavefinn.

Happdrætti Háskóla Íslands hefur frá fyrstu tíð verið aðalstuðningsaðili Vísindavefsins. Það hefur tryggt grunnrekstur vefsins og gert honum kleift að sinna því mikilvæga hlutverki að svara spurningum ungs fólks og almennings um nútíma vísindi og fræði. Stuðningur happdrættisins sýnir í verki skilning á mikilvægi vandaðrar vísindamiðlunar á íslensku. Slík miðlun styrkir stoðir upplýstrar umræðu um ýmis málefni sem eru ofarlega á baugi hverju sinni.

Hlutverk Vísindavefsins er ekki aðeins að miðla þekkingu heldur einnig að kynna aðferðafræði vísinda fyrir lesendum sínum. Svör vefsins eiga að mennta og fræða lesendur og efla þannig hæfni þeirra til að greina á milli vísindalegrar þekkingar og falsfrásagna. Hið síðarnefnda hefur rutt sér æ meir til rúms í samtímanum, m.a. fyrir tilstuðlan algríms og gervigreindar. Oftar en ekki er markmið falsfrásagna að grafa undan viðtekinni þekkingu og sannleika. Hlutverk Vísindavefsins er hins vegar það gagnstæða: að treysta stoðir vísindalegrar þekkingar.

Bryndís Hrafnkelsdóttir, framkvæmdastjóri Happdrættis Háskóla Íslands, Silja Bára R. Ómarsdóttir, rektor Háskóla Íslands, og Jón Gunnar Þorsteinsson, ritstjóri Vísindavefs HÍ, endurnýjuðu á dögunum samning um stuðning Happdrættisins við Vísindavefinn.

Til að styrkja enn frekar við þetta hlutverk Vísindavefsins var nýverið sett á laggirnar fagleg ritnefnd við vefinn. Hlutverk hennar er meðal annars að setja Vísindavefnum ritstjórnarstefnu og tryggja honum ritstjórnarlegt sjálfstæði.

Vísindavefurinn hefur um langt árabil verið einn vinsælasti vefur landsins og á síðasta ári voru árlega heimsóknir á vefinn rúmar tvær milljónir og flettingar rúmlega þrjár milljónir. Lesendur leita oft til vefsins til að fá svör við spurningum sem uppi eru í umræðunni hverju sinni og til marks um það fjölluðu mest lesnu svör vefsins á síðasta ári meðal annars um margbreytileika kyns og loftslagsmál.

Myndir:

Kristin Ingvarsson

Senda grein til vinar

Sendu inn spurningu

Vísindavefurinn og HHÍ endurnýja samstarfssamning sinn

Höfundur

Útgáfudagur

Síðast uppfært

Spyrjandi

Efnisorð

Tilvísun

Senda grein til vinar

Sendu inn spurningu

Vísindavefurinn og HHÍ endurnýja samstarfssamning sinn

Höfundur

Útgáfudagur

Síðast uppfært

Spyrjandi

Efnisorð

Tilvísun

Deila

Senda grein til vinar