Senda inn spurningu
Sólin Sólin Rís 05:12 • sest 21:41 í Reykjavík
Tunglið Tunglið Rís 00:00 • Sest 00:00 í Reykjavík
Flóð Flóð Árdegis: 08:09 • Síðdegis: 20:27 í Reykjavík
Fjaran Fjara Árdegis: 02:12 • Síðdegis: 14:14 í Reykjavík
Visit the English version
Árnastofnun - mynd í *Árnarstofnun

Flokkun:

Hugvísindi Málvísindi: íslensk

Af hverju er sagt að eitthvað kosti kúk og kanil? Hvaðan kemur orðasambandið og hvað merkir það?

Guðrún Kvaran

Orðasambandið að eitthvað kosti kúk og kanil virðist ekki gamalt í málinu. Það hefur ekki komist inn í orðabækur eða orðtakasöfn en virðist mjög algengt á Netinu. Ekki er það heldur að finna í Slangurorðabókinni á Netinu. Merkingin er ‛lítið sem ekki neitt’. Ef eitthvað kostar kúk og kanil er það hræódýrt. Aftur á móti er eldra að segja að eitthvað kosti skít og kanil í sömu merkingu. Það er án efa myndað eftir danska orðasambandinu skidt og kanel sem notað er um eitthvað sem bæði getur verið jákvætt og neikvætt.

Ein kanilstöng er hræódýr og kostar þá einfaldlega kúk og kanil.

Algengt er að segja að eitthvað kosti skít (og ekki neitt) og er það komið úr dönsku, samanber skid og ingenting. Orðið skítur er algengt í föstum samböndum og skítur og kúkur standa saman í orðasamböndunum það er lítill (enginn) munur á skít og kúk ‛báðir eru jafn slæmir’ og skítur á priki og kúkur á krók ‛lítil peningaupphæð sem varla munar um’.

Orðasambandið að fara í kúk og köku er notað um að verða miður sín yfir einhverju. Sambandið kúkur og kanill er myndað á sama hátt, það er með stuðlum, k-k, til áherslu.

Mynd:

Höfundur

Guðrún Kvaran

Guðrún Kvaran

prófessor

Útgáfudagur

22.11.2011

Spyrjandi

Sigrún Ósk Arnardóttir, Bryndís Björk Ásmundsdóttir

Efnisorð

Tilvísun

Guðrún Kvaran. „Af hverju er sagt að eitthvað kosti kúk og kanil? Hvaðan kemur orðasambandið og hvað merkir það?“ Vísindavefurinn, 22. nóvember 2011. Sótt 27. apríl 2024. http://visindavefur.is/svar.php?id=60731.

Guðrún Kvaran. (2011, 22. nóvember). Af hverju er sagt að eitthvað kosti kúk og kanil? Hvaðan kemur orðasambandið og hvað merkir það? Vísindavefurinn. Sótt af http://visindavefur.is/svar.php?id=60731

Guðrún Kvaran. „Af hverju er sagt að eitthvað kosti kúk og kanil? Hvaðan kemur orðasambandið og hvað merkir það?“ Vísindavefurinn. 22. nóv. 2011. Vefsíða. 27. apr. 2024. <http://visindavefur.is/svar.php?id=60731>.

Chicago | APA | MLA

Tengd svör

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Af hverju er sagt að eitthvað kosti kúk og kanil? Hvaðan kemur orðasambandið og hvað merkir það?
Orðasambandið að eitthvað kosti kúk og kanil virðist ekki gamalt í málinu. Það hefur ekki komist inn í orðabækur eða orðtakasöfn en virðist mjög algengt á Netinu. Ekki er það heldur að finna í Slangurorðabókinni á Netinu. Merkingin er ‛lítið sem ekki neitt’. Ef eitthvað kostar kúk og kanil er það hræódýrt. Aftur á móti er eldra að segja að eitthvað kosti skít og kanil í sömu merkingu. Það er án efa myndað eftir danska orðasambandinu skidt og kanel sem notað er um eitthvað sem bæði getur verið jákvætt og neikvætt.

Ein kanilstöng er hræódýr og kostar þá einfaldlega kúk og kanil.

Algengt er að segja að eitthvað kosti skít (og ekki neitt) og er það komið úr dönsku, samanber skid og ingenting. Orðið skítur er algengt í föstum samböndum og skítur og kúkur standa saman í orðasamböndunum það er lítill (enginn) munur á skít og kúk ‛báðir eru jafn slæmir’ og skítur á priki og kúkur á krók ‛lítil peningaupphæð sem varla munar um’.

Orðasambandið að fara í kúk og köku er notað um að verða miður sín yfir einhverju. Sambandið kúkur og kanill er myndað á sama hátt, það er með stuðlum, k-k, til áherslu.

Mynd:...