Hvaða basta er átt við í punktur og basta og hver er uppruni orðasambandsins?

Svar

Orðasambandið er fengið að láni úr dönsku punktum og basta. Punktum „punktur“ er úr latínu og basta er ítölsk upphrópun „nú er nóg komið!“ af sögninni bastare „nægja“.

„Nú er nóg komið!“ hugsar þessi eflaust þegar bíllinn fór ekki í gegnum skoðun.

Elsta myndin í íslensku punktum og basta er frá síðari hluta 19. aldar en fleiri myndir eru til. Ein þeirra, og þar með basta, er komin beint úr dönsku og dermed basta og eru elstu dæmi frá fyrri hluta 19. aldar. Yngst er myndin búið og basta frá miðri 20. öld.

Mynd:

• Unhappy Car Owner, Foreground, Watches as ... 08/1975 | Flickr - Photo Sharing! Enginn höfundarréttur. (Sótt 28.6.2012).