Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað hafa Íslendingar unnið til margra verðlauna á Ólympíuleikum?

Íslendingar hafa átt þátttakendur á 18 Ólympíuleikum (en hér er aðeins átt við sumarólympíuleika). Fyrst árið 1912 en þá vitanlega undir fána Dana, því næst árið 1936, þá fyrst sem fullvalda þjóð, og allar götur síðan. Þess ber að geta að engir Ólympíuleikar fóru fram árin 1916, 1940 og 1944 vegna stríðsátaka í heiminum.

Íslendingar hafa unnið til fernra verðlauna á Ólympíuleikum.

Á þessum 18 Ólympíuleikum hafa Íslendingar unnið til fernra verðlauna, tvennra silfurverðlauna og tvennra bronsverðlauna:
  • Árið 1956 voru leikarnir haldnir í Melbourne í Ástralíu en þá vann Vilhjálmur Einarsson silfurverðlaun í þrístökki.
  • Næstur var Bjarni Friðriksson sem vann til bronsverðlauna í júdó í Los Angeles í Bandaríkjunum árið 1984.
  • Árið 2000 í Sidney í Ástralíu vann Vala Flosadóttir til bronsverðlauna í stangarstökki.
  • Árið 2008 í Peking í Kína var svo komið að karlalandsliðinu í handknattleik en þeir unnu til silfurverðlauna. Í liðinu voru: Alexander Petersson, Arnór Atlason, Ásgeir Örn Hallgrímsson, Björgvin Páll Gústavsson, Guðjón Valur Sigurðsson, Hreiðar Levy Guðmundsson, Ingimundur Ingimundarson, Logi Geirsson, Ólafur Stefánsson, Róbert Gunnarsson, Sigfús Sigurðsson, Snorri Steinn Guðjónsson, Sturla Ásgeirsson og Sverre Andreas Jakobsson.

Heimildir:

Mynd:

Útgáfudagur

25.7.2012

Spyrjandi

Ritstjórn

Höfundur

Ívar Daði Þorvaldsson

ÍDÞ

Tilvísun

ÍDÞ. „Hvað hafa Íslendingar unnið til margra verðlauna á Ólympíuleikum?“. Vísindavefurinn 25.7.2012. http://visindavefur.is/?id=62932. (Skoðað 21.8.2014).

Sendu inn spurningu
eða

Vísindadagatalið

Christiaan Huygens

1629-1695

Hollenskur stærðfræðingur og eðlisvísindamaður, endurbætti bæði sjónaukann og klukkuna og birti fyrstur myndir af hringum Júpíters.