Hvað er keppt í mörgum íþróttagreinum á Ólympíuleikunum í London?

Svar

Á opinberri heimasíðu Ólympíuleikanna í London sem fara fram dagana 27. júlí til 12. ágúst eru taldar upp 36 mismunandi íþróttagreinar en þar er meðal annars að finna fjórar mismunandi tegundir hjólreiða og tvær greinar sem teljast til fimleika. Með mismunandi skilgreiningum má því fá mismikinn fjölda íþróttagreina.

Wenlock og Mandeville eru lukkudýr leikanna í London.

Allar íþróttagreinarnar 36 telja svo fleiri en eina keppnisgrein og í flestum tilvikum í bæði karla- og kvennaflokki. Flestar keppnisgreinar heyra undir frjálsar íþróttir eða 47 talsins en allt í allt eru 302 keppnisgreinar á leikunum í London. Íslendingar tefla fram 27 íþróttamönnunum í alls 6 greinum en fjöldi keppenda er innan sviga:

• Badminton (1)
• Frjálsar íþróttir (3)
• Handbolti (14)
• Júdó (1)
• Skotfimi (1)
• Sund (7)

Reiknað er með að yfir 10.000 keppendur frá 204 löndum muni taka þátt í leikunum.

Heimildir:

• London 2012 Olympics - Schedule, Results, Medals, Tickets, Venues. (Skoðað 17.7.2012).
• 2012 Summer Olympics - Wikipedia, the free encyclopedia. (Skoðað 17.7.2012).
• BBC Sport - London 2012 Olympics - Countries. (Skoðað 17.7.2012).

Mynd:

• 2012 Summer Olympics - Wikipedia, the free encyclopedia. (Sótt 17.7.2012).