FTSE 100 vísitalan endurspeglar nokkuð vel verð stórra breskra hlutafélaga. Markaðsvirði hlutafélaganna sem stuðst er við þegar vísitalan er reiknuð út er um fjórir fimmtu af markaðsvirði allra hlutafélaga sem skráð eru í kauphöllinni í London. FTSE 100 vísitalan er talsvert mikið notuð í viðskiptum, meðal annars eru til margir hlutabréfasjóðir sem reyna að herma eftir vísitölunni. Af öðrum þekktum evrópskum hlutabréfavísitölum má nefna hina þýsku DAX og CAC 40, sem er frönsk. Hérlendis er einkum horft til úrvalsvísitölunnar, sem svo er kölluð, en hún heitir nú formlega OMX Iceland 15. Frekara lesefni á Vísindavefnum:
- Hvað eru hlutabréfavísitölur? eftir Gylfa Magnússon
- Hvað eru Dow Jones og Nasdaq? eftir Gylfa Magnússon
- Hvað er vísitala? eftir Gylfa Magnússon
- Hvernig elta menn vísitölu? eftir Gylfa Magnússon
- People's Daily Online News Archive. Sótt 17.12.2007.