Hvernig getum við vitað að verið sé að dæma réttan mann?

Nafn þitt

Netfang þitt

Netfang móttakanda

Ruslpóstvörn =

Svar

Hvernig getum við vitað að verið sé að dæma réttan mann?
Lögreglan framkvæmir ítarlega rannsókn og aflar svokallaðra sönnunargagna. Sönnunargögn geta verið afar mismunandi eftir því um hvaða afbrot er að ræða. Ef um er að ræða líkamsárás geta blóðblettir á fötum hins grunaða gefið vísbendingu. Ef um ölvunarakstur er að ræða getur lögreglan tekið blóðprufu úr ökumanni sem mælir hvort ökumaðurinn hefur verið undir áhrifum áfengis við akstur. Stundum eru sjónarvottar að atburðum og er þá hægt að spyrja þá. Stundum er hægt að greina fingraför og svo framvegis. Með sönnunargögnunum er oft unnt að leiða í ljós með óyggjandi hætti hver sé sekur um afbrot. Ber þá dómara að dæma viðkomandi til refsingar eða refsikenndra viðurlaga.

Oft kemur það hins vegar fyrir að ekki er unnt að afla sönnunargagna sem sýna með óyggjandi hætti hver sé sekur um afbrot. Leiki minnsti vafi á því hvort sakborningur er sekur eða ekki ber dómaranum að sýkna hann, það er að telja hann saklausan. Kemur þetta til af því að í 2. mgr. 70. greinar stjórnarskrárinnar segir að hver sá sem er borinn sökum um refsiverða háttsemi skuli teljast saklaus uns sekt hans er sönnuð. Af þessari reglu leiðir að maður er einfaldlega ekki dæmdur ef við getum ekki vitað að hann sé rétti maðurinn.

Mynd: HB...