Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað eru til margar bækur eftir Desmond Bagley?

Desmond Bagley var enskur spennusagnahöfundur. Hann fæddist 29. október 1923 í bænum Kendal í Cumbria-héraði og lést 12. apríl 1983 á sjúkrahúsi í Southampton, eftir að hafa búið seinustu æviár sín á Ermarsundseyjunni Guernsey.

Bagley ferðaðist víða og bjó meðal annars í Suður-Afríku í 15 ár þar sem hann hóf rithöfundarferil sinn. Hann leitaði sér víða fanga í bækur sínar og spannar sögusvið þeirra ólík lönd eins og Nýja-Sjáland, Finnland, Kenía og Kanada. Sagan Út í óvissuna (e. Running Blind) gerist á Íslandi og margir muna kannski eftir samnefndum sjónvarpsþáttum sem gerðir voru eftir þeirri bók og sýndir voru í Sjónvarpinu fyrir margt löngu.



Út í óvissuna

Desmond Bagley skrifaði 16 skáldsögur (spennusögur) sem allar hafa verið þýddar á íslensku eins og sjá má á listanum hér fyrir neðan. Alls hafa bækur hans verið þýddar á 22 tungumál. Auk þeirra liggja eftir hann smásögur og ritgerðir. Bækur Desmonds Bagleys voru gefnar út á Íslandi af bókaútgáfunni Suðra í þýðingum Torfa Ólafssonar, Ólafs Gíslasonar, Gísla Ólafssonar, Þorbjargar Ólafsdóttur, Óskars Bergssonar og Björns Gíslasonar.

Titill
Útgáfuár
Íslenskur titill
Íslenskt útgáfuár
The Golden Keel 1963Gullkjölurinn1965
High Citadel 1965Fjallavirkið1966
Wyatt's Hurricane 1966Fellibylur1967
Landslide 1967Skriðan1968
The Vivero Letter 1968Víveró-bréfið1969
The Spoilers 1969Eitursmyglarar1970
Running Blind 1970Út í óvissuna1971
The Freedom Trap 1971Gildran1972
The Tightrope Men 1973Línudansarar1973
The Snow Tiger 1975Í fannaklóm1975
The Enemy 1977Óvinurinn1977
Flyaway 1978Leitin1978
Bahama Crisis 1980Samsærið1980
Windfall 1982Arfurinn1982
Night Of Error 1984Í næturvillu1984
Juggernaut 1985Trölleykið1985

Forvitnum áhangendum Desmond Bagleys er bent á finnska vefsíðu (á ensku) og ítarlega heimasíðu Nigel Alefounders þar sem finna má ævisögu Bagleys meðal annars. Af þessum síðum eru fengnar heimildir og myndir.

Útgáfudagur

5.2.2003

Spyrjandi

Eiríkur Björnsson, f. 1989

Höfundur

Unnar Árnason

bókmenntafræðingur

Tilvísun

Unnar Árnason. „Hvað eru til margar bækur eftir Desmond Bagley?“ Vísindavefurinn, 5. febrúar 2003. Sótt 19. júlí 2018. http://visindavefur.is/svar.php?id=3105.

Unnar Árnason. (2003, 5. febrúar). Hvað eru til margar bækur eftir Desmond Bagley? Vísindavefurinn. Sótt af http://visindavefur.is/svar.php?id=3105

Unnar Árnason. „Hvað eru til margar bækur eftir Desmond Bagley?“ Vísindavefurinn. 5. feb. 2003. Vefsíða. 19. júl. 2018. <http://visindavefur.is/svar.php?id=3105>.

Chicago | APA | MLA

Sendu inn spurningu
eða

Vísindadagatalið

Hundaæði

Hundaæði er heilabólga sem orsakast af veiru sem smitast með dýrabiti, oftast biti hunds eða leðurblöku. Einkenni eru rugl, æsingur eða æðisköst, ofskynjanir, krampar, slef, skert meðvitund, lömun og erfiðleikar við að kyngja. Komi einkenni frá taugakerfi fram er sjúkdómurinn oftast banvænn. Franski efna- og örverufræðingurinn Louis Pasteur varð fyrstur til að þróa bóluefni gegn hundaæði.