Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað er margmiðlun?

Margmiðlun er í raun sú aðferð að nota tvo eða fleiri miðla saman til að koma efni á framfæri. Þessir miðlar geta verið hljóð, myndir, kvikmyndir, texti, tónlist, gröf eða annað slíkt. Oftast þegar rætt er um margmiðlun er átt við margmiðlun í tölvum. Hún felur í sér getu tölva til að samþætta ofangreinda miðla í eina heild, sem getur til dæmis verið tölvuleikur, auglýsing eða annars konar kynning á efni, svo sem fræðsluefni. Gagnvirkni (e. interactivity) leikur líka mikilvægt hlutverk í margmiðlun.

Segja má að margmiðlun í tölvum hafi fæðst þegar geisladiskar náðu almennri útbreiðslu. Venjulegir geisladiskar geta geymt allt að 900 megabæti af efni, sem er gríðarleg aukning frá því sem var áður en þeir komu á markað. Þegar tölvur með geisladrif voru að komast í almenna eign í byrjun tíunda áratugar síðust aldar, var ekki óalgengt að harðir diskar væru 20-200 megabæti.



Bæði hljóð og kvikmyndir taka gríðarlegt pláss og áður en geisladiskar komu til sögunnar var engin leið að koma margmiðlunarefni fyrir á geymsluplássi tölva, hvað þá að flytja það á milli þeirra.

Aukið og ódýrara geymslupláss er þó ekki það eina sem hefur haft áhrif á þróun margmiðlunar. Tölvur verða sífellt öflugri og geta ráðið við fleiri hluti, forrit og aðgerðir í einu. Þannig má til dæmis horfa á kvikmynd, spila tölvuleik og hlusta á tónlist, allt í einu. Því má segja að það séu skynfæri okkar og athygli sem eru orðnir takmarkandi þættir í margmiðlunareiginleikum tölva.

Frekara lesefni af Vísindavefnum:

Heimildir:

Mynd:

Útgáfudagur

23.6.2003

Spyrjandi

Greta Sveinsdóttir
Atli Már Gylfason o.fl.

Höfundur

háskólanemi og starfsmaður Vísindavefsins

Tilvísun

Einar Örn Þorvaldsson. „Hvað er margmiðlun?“ Vísindavefurinn, 23. júní 2003. Sótt 25. mars 2019. http://visindavefur.is/svar.php?id=3517.

Einar Örn Þorvaldsson. (2003, 23. júní). Hvað er margmiðlun? Vísindavefurinn. Sótt af http://visindavefur.is/svar.php?id=3517

Einar Örn Þorvaldsson. „Hvað er margmiðlun?“ Vísindavefurinn. 23. jún. 2003. Vefsíða. 25. mar. 2019. <http://visindavefur.is/svar.php?id=3517>.

Chicago | APA | MLA

Sendu inn spurningu
eða

Vísindadagatalið

Thamar Melanie Heijstra

1981

Thamar Melanie Heijstra er lektor í félagsfræði við Háskóla Íslands og snúa núverandi rannsóknir hennar einkum að vinnumenningu, vinnuaðstæðum og kynjafjármálum innan háskóla á tíma nýfrjálshyggju.