Það eru eflaust engin ein ástæða fyrir því að 50 og 70 GB harðir diskar sjást varla. Þó er ein tæknileg ástæða sem líklega veldur þar mestu.

Harðir diskar eru samsettir úr nokkrum skífum sem lokaðar eru inni í sterku málmhulstri. Hægt er að skrifa gögn á báðar hliðar hverrar skífu og eru leshausar disksins því oftast tvöfalt fleiri en fjöldi skífa í harða disknum (sjá mynd).

Harður diskur með tíu skífum.

Framleiðendur harðra diska hanna skífurnar og leshausanna þannig að hægt sé að skrifa á skífurnar með tilteknum þéttleika. Til dæmis eru algengir harðir diskar í dag þannig að hægt er að skrifa 20 GB á eina hlið skífu. Það þýðir að framleiðandinn getur framleitt harða diska þar sem gagnamagnið er heilt margfeldi af 20 GB, allt eftir því hversu margar skífur og leshausar eru notaðir. Minnsti fáanlegi diskurinn væri þá 20 GB, með eina skífu og einn leshaus, síðan væri 40 GB diskur með einni skífu og tveimur leshausum, 60 GB diskur hefði tvær skífur og þrjá leshausa og svo framvegis.

Það myndi ekki henta að framleiða 50 GB harðan disk því þá þyrfti að breyta út af þessu einfalda fyrirkomulagi.

Frekara lesefni af Vísindavefnum:

• Hver er stærsti harði diskur í heimi og hver á hann? eftir Bergþór Jónsson
• Hvaða tilgangi gegnir harði diskurinn? eftir Steinar Jónsson
• Er harði diskurinn í tölvum þyngri þegar hann er fullur af gögnum en þegar hann er tómur? eftir EÖÞ
• Hvernig verka disklingar og harðir diskar í tölvum? eftir Hildi Guðmunsdóttur

Mynd:

• Mynd af hörðum diski af PC-guide.com - Sótt 15.07.10