Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Úr hverju er mannslíkaminn?

Meginuppistaða mannslíkamans eru fjögur frumefni. Fyrst má nefna súrefni (O) sem er um 65% af heildarmassa okkar. Hátt hlutfall súrefnis þarf ekki að koma á óvart þar sem um 60% af líkamsþyngd okkar er vatn en súrefni ásamt vetni mynda vatn.

Næst á eftir súrefni kemur kolefni (C) en það er um 18,5% af líkamsþyngd okkar. Kolefni finnst í öllum lífrænum efnum.

Vetni (H) er um 9,5% af heildarmassa líkamans en það er í vatni eins og áður sagði, öllum mat og flestum lífrænum efnum.

Fjórða frumefnið er svo nitur (N) sem er um 3,2% af líkamsþyngd okkar. Það er í öllum prótínum og kjarnsýrum (DNA og RNA).

Til viðbótar við þessi fjögur efni eru níu önnur frumefni sem eru samtals 3,9% af heildarmassa líkamans. Um þau má lesa í svari Þuríðar Þorbjarnardóttur við spurningunni Hver eru helstu frumefni líkamans?

Skoðið einnig svörin:

Útgáfudagur

24.3.2004

Spyrjandi

Halla Árnadóttir, f. 1994

Höfundur

Emilía Dagný Sveinbjörnsdóttir

landfræðingur og starfsmaður Vísindavefsins

Tilvísun

EDS. „Úr hverju er mannslíkaminn?“ Vísindavefurinn, 24. mars 2004. Sótt 25. febrúar 2018. http://visindavefur.is/svar.php?id=4095.

EDS. (2004, 24. mars). Úr hverju er mannslíkaminn? Vísindavefurinn. Sótt af http://visindavefur.is/svar.php?id=4095

EDS. „Úr hverju er mannslíkaminn?“ Vísindavefurinn. 24. mar. 2004. Vefsíða. 25. feb. 2018. <http://visindavefur.is/svar.php?id=4095>.

Chicago | APA | MLA

Sendu inn spurningu
eða

Vísindadagatalið

Sigrún Lilja Einarsdóttir

1974

Sigrún Lilja Einarsdóttir er dósent og forseti félagsvísinda- og lagadeildar Háskólans á Bifröst og hefur stundað rannsóknir á sviði menningarstjórnunar og félagsfræði listgreina.