Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hver er meðalhiti á Íslandi mældur í gráðum á Fahrenheit?

Samkvæmt upplýsingum frá Veðurstofu Íslands er meðalhiti í Reykjavík á bilinu 0-10°C (samkvæmt upplýsingum um tímabilið 1961-1990). Kaldast er í desember og janúar, en þá fer meðalhiti rétt niður fyrir frostmark, og heitast í júlí og ágúst þegar meðalhitinn er rúmlega 10°C. Á þessari síðu Veðurstofu Íslands er að finna veðurfarsyfirlit síðustu áratuga.


Meðalhitastig í Reykjavík á árunum 1961-1990 var á bilinu 32-50°F.

Eins og sýnt er í svari sama höfundar við spurningu um fahrenheitkvarðann má umreikna milli selsíuskvarðans og fahrenheitkvarðans með þessum tveimur jöfnum, þar sem TF er hitastig í gráðum á fahrenheit og TC er hitastig í gráðum á selsíus:
TF = 9/5 TC + 32

TC = 5/9 (TF - 32)

Við getum því umreiknað heitasta og kaldasta meðalhita í Reykjavík yfir í gráður á fahrenheit: TF-lægsti meðalhiti = 9/5 * 0 + 32 = 32°F og : TF-hæsti meðalhiti = 9/5 * 10 + 32 = 50°F.

Finna má fjölmargar síður á netinu þar sem hægt er að skipta á milli gráða á fahrenheit og selsíus, til dæmis þessa.

Mynd:

Útgáfudagur

13.5.2000

Spyrjandi

Þór Daníel

Höfundur

læknanemi við HÍ

Tilvísun

TÞ. „Hver er meðalhiti á Íslandi mældur í gráðum á Fahrenheit?“ Vísindavefurinn, 13. maí 2000. Sótt 21. september 2018. http://visindavefur.is/svar.php?id=413.

TÞ. (2000, 13. maí). Hver er meðalhiti á Íslandi mældur í gráðum á Fahrenheit? Vísindavefurinn. Sótt af http://visindavefur.is/svar.php?id=413

TÞ. „Hver er meðalhiti á Íslandi mældur í gráðum á Fahrenheit?“ Vísindavefurinn. 13. maí. 2000. Vefsíða. 21. sep. 2018. <http://visindavefur.is/svar.php?id=413>.

Chicago | APA | MLA

Sendu inn spurningu
eða

Vísindadagatalið

Elsa Eiríksdóttir

1975

Elsa Eiríksdóttir er dósent á Menntavísindasviði Háskóla Íslands. Rannsóknir hennar snúa að því hvernig fólk lærir verklega kunnáttu, hvernig yfirfærsla þekkingar og færni á sér stað og hvernig uppbygging náms og framsetning námsefnis getur haft þar áhrif.