Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvers vegna er sólin gul og grasið grænt?

Aðrir spyrjendur eru nokkrir nemendur 7. bekkjar Lágafellsskóla:
Harpa Methúsalemsdóttir, Tómas Helgi Valdimarsson, Kristín Helga Hermannsdóttir, Arnór Snær Guðmundsson, Karen Gústavsdóttir, Alex Jökulsson

Við höfum áður fjallað um litinn á sólinni, til dæmis af hverju hún verður gul og síðan rauðleit eftir því sem hún er lægra á lofti. Hægt er að lesa um það í svari við spurningunni Hvort er meira af gulu litarefni eða rauðu í sólinni?

Sólarljósið er í raun hvítt ljós sem er blanda af öllum litum. Þegar sólarljósið fellur á hluti á jörðinni drekka þeir hluta af því í sig en endurkasta hinu. Endurkastið ræður litnum á hlutnum.

Hlutir sem endurkasta öllu ljósinu en drekka ekkert í sig eru hvítir, eins og til dæmis hvítt blað eða strigi málarans. Þegar við málum á striga með gulum lit drekkur gula málningin í sig alla aðra liti en gulan sem hún endurkastar og þess vegna verður striginn gulur.



Hér sést skipting sólarljóssins í útfjólublátt, sýnilegt og innrautt ljós, eftir bylgjulengdum. Plöntur og gras gleypa í sig bláa og rauða hluta sólarljóssins en endurvarpa þeim græna og gula. Það er skýringin á því af hverju grasið er grænt.

Sama skýring er á því af hverju grasið er grænt. Litarefnið blaðgræna sem sér um ljóstillífun gleypir í sig ákveðnar ljósbylgjur úr sólarljósinu en það eru langar bylgjur af rauðu ljósi og stuttar bylgjur af bláu ljósi.

Plantan drekkur ljóseindirnar í bláa og rauða hluta sólarljóssins í sig og notar við ljóstillífunina en þar á milli eru bylgjulengdir græna og gula hluta sólarljóssins. Þeim er endurkastað frá plöntunni og þess vegna er grasið grænt.

Hægt er að lesa meira um þetta í ítarlegu svari Kesöru Anamthawat-Jónsson við spurningunni Hvers vegna eru plöntur grænar en ekki fjólubláar eða svartar? og þeir sem vilja öðlast betri skilning litum geta lesið eftirfarandi svör

Útgáfudagur

28.4.2004

Spyrjandi

Gunnhildur Pétursdóttir, f. 1993

Höfundur

Jón Gunnar Þorsteinsson

bókmenntafræðingur og ritstjóri Vísindavefsins

Tilvísun

JGÞ. „Hvers vegna er sólin gul og grasið grænt?“ Vísindavefurinn, 28. apríl 2004. Sótt 19. október 2018. http://visindavefur.is/svar.php?id=4169.

JGÞ. (2004, 28. apríl). Hvers vegna er sólin gul og grasið grænt? Vísindavefurinn. Sótt af http://visindavefur.is/svar.php?id=4169

JGÞ. „Hvers vegna er sólin gul og grasið grænt?“ Vísindavefurinn. 28. apr. 2004. Vefsíða. 19. okt. 2018. <http://visindavefur.is/svar.php?id=4169>.

Chicago | APA | MLA

Sendu inn spurningu
eða

Vísindadagatalið

Gunnhildur Óskarsdóttir

1959

Gunnhildur Óskarsdóttir er dósent í kennslufræði við Deild kennslu- og menntunarfræði við Háskóla Íslands. Rannsóknir hennar hafa einkum beinst að námi og kennslu ungra barna í grunnskóla, náttúrufræðikennslu og kennaramenntun.