Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Í hvaða landi urðu kettirnir til?

Heimiliskötturinn nefnist á fræðimáli Felis silvestris catus en til sömu tegundar teljast einnig evrópski villikötturinn (Felis silvestris silvestris) og afríski villikötturinn (Felis silvestris lybica). Þessar þrjár deilitegundir geta allar átt saman frjó afkvæmi.

Afríski villikötturinn er talinn vera forfaðir heimiliskattarins og uppruni hans er eins og nafnið bendir til í Afríku.

Elstu leifar um kattahald manna eru frá eyjunni Kýpur en þar fannst gröf með beinagrind manns og kattar sem er frá því um 6000 f. Kr. Heimildir eru einnig til um ketti í Palestínu frá 5000 f. Kr. og í Egyptalandi virðist kattahald hafa verið algengt um 1600 f. Kr.

Líklegast er talið að samneyti manns og kattar hafi þó hafist mun fyrr eða fyrir um tíu þúsund árum á menningarsvæðum við Nílarfjót, og við fljótin Efrat og Tigrís í Mesópótamíu, þar sem nú er Írak.

Hægt er að lesa meira um kattahald í svörum við spurningunum:

Útgáfudagur

27.5.2004

Spyrjandi

Unnur Eldjárn, f. 1992

Höfundur

Jón Gunnar Þorsteinsson

bókmenntafræðingur og ritstjóri Vísindavefsins

Tilvísun

JGÞ. „Í hvaða landi urðu kettirnir til?“ Vísindavefurinn, 27. maí 2004. Sótt 21. október 2018. http://visindavefur.is/svar.php?id=4297.

JGÞ. (2004, 27. maí). Í hvaða landi urðu kettirnir til? Vísindavefurinn. Sótt af http://visindavefur.is/svar.php?id=4297

JGÞ. „Í hvaða landi urðu kettirnir til?“ Vísindavefurinn. 27. maí. 2004. Vefsíða. 21. okt. 2018. <http://visindavefur.is/svar.php?id=4297>.

Chicago | APA | MLA

Sendu inn spurningu
eða

Vísindadagatalið

Helga Zoega

1976

Helga Zoega er prófessor í lýðheilsuvísindum við Læknadeild HÍ. Rannsóknir Helgu eru á sviði lyfjafaraldsfræði og beinast einkum að lyfjanotkun meðal barnshafandi kvenna og barna – hópum sem lyf eru sjaldnast prófuð á áður en þau koma á markað.