Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hver er munurinn á innkaupsverði (heimsmarkaðsverði) bensíns og dísilolíu?

Strangt til tekið er vart hægt að tala um heimsmarkaðsverð á bensíni eða dísilolíu því að heildsöluverð á slíkum vörum er nokkuð mismunandi eftir löndum og jafnvel innan sama landsins. Skýringin á þessu liggur væntanlega einkum í mismunandi flutningskostnaði. Þá flækir líka málið að til eru mismunandi gæðaflokkar af þessum vörum.

Olíustöð í Texas í Bandaríkjunum.

Ef við tökum engu að síður dæmi þá má geta þess að í desember 2004 kostaði gallon af bensíni að jafnaði 119,7 bandarísk sent frá olíuvinnslustöðvum í Bandaríkjunum. Á sama tíma var verð á dísilolíu á sama markaði 127,5 sent. Þetta gerir í fyrra tilfellinu um 20,40 krónur á lítra en í því síðara 21,73 krónur á lítra. Þetta var reyndar nokkuð óvenjulegur mánuður vegna þess að dísilolían var aðeins dýrari en bensín en oftast er þessu öfugt farið. Ef við skoðum meðalverð fyrir árið var bensínið á um 21,97 krónur hver lítri en dísilolían á um 20,26 krónur lítrinn á þessum markaði.

Frekara lesefni á Vísindavefnum:

Heimild:

Mynd:

Útgáfudagur

14.3.2005

Spyrjandi

Snæbjörn Jónsson

Höfundur

Gylfi Magnússon

dósent í hagfræði við HÍ

Tilvísun

Gylfi Magnússon. „Hver er munurinn á innkaupsverði (heimsmarkaðsverði) bensíns og dísilolíu?“ Vísindavefurinn, 14. mars 2005. Sótt 16. desember 2017. http://visindavefur.is/svar.php?id=4832.

Gylfi Magnússon. (2005, 14. mars). Hver er munurinn á innkaupsverði (heimsmarkaðsverði) bensíns og dísilolíu? Vísindavefurinn. Sótt af http://visindavefur.is/svar.php?id=4832

Gylfi Magnússon. „Hver er munurinn á innkaupsverði (heimsmarkaðsverði) bensíns og dísilolíu?“ Vísindavefurinn. 14. mar. 2005. Vefsíða. 16. des. 2017. <http://visindavefur.is/svar.php?id=4832>.

Chicago | APA | MLA

Sendu inn spurningu
eða

Vísindadagatalið

Plast

Plast er búið til úr smáum, hvarfgjörnum gassameindum sem myndast þegar jarðolía er hreinsuð. Sameindunum er safnað saman og lítið magn hvataefnis blandað við þær. Þá hvarfast sameindirnar saman í langar keðjusameindir sem nefnast fjölliður. Plastið sem myndast er fljótandi massi sem auðvelt er að forma, t.d. steypa í mót.