Um fuglalíf á norðurpólnum er það helst að segja að þar verpa engir fuglar. Pólfarar hafa hins vegar séð nokkrar tegundir þar eins og fýl (Fulmarus glacialis), snjótittling (Plectropenax nivalis) og ritu (Rissa tridactyla). Nokkrar skýringar kunna að vera á því að þessir fuglar hafa sést svo norðarlega, til dæmis er þekkt að fuglar fylgja oft eftir skipum og leiðöngrum á þessum slóðum og einnig geta þeir hrakist með vindum. Frekari fróðleikur á Vísindavefnum:
- Hvað er klukkan á norður- og suðurpólnum?
- Hvernig er veðurfar á norðurpólnum og hvers vegna er þar svona mikill ís?
- Hvaða heimsálfu tilheyrir norðurpóllinn?