Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hver er massi róteindar í samanburði við massa rafeindar?

Massa hluta er hægt að gefa upp í ótalmörgum einingum, eins og til dæmis kílógrömmum (kg), grömmum (g) og milligrömmum (mg). Þegar reikna á út hlutfall tveggja massa skiptir ekki máli hvaða eining er notuð svo fremi sem að sama einingin sé á massa beggja hlutanna; þannig styttast einingarnar út og útkoman verður einingarlaus. Í töflu 1 hér að neðan sést massi þriggja einda: róteindar, nifteindar og rafeindar. Massinn í töflunni er gefinn upp í grömmum, alþjóðlegu einingunni fyrir massa.

Tafla 1 sýnir massa róteindar, nifteindar og
rafeindar í alþjóðlegu einingunni grömmum.

eindmassi [g]
róteind1,6726∙10-24
nifteind1,6749∙10-24
rafeind9,1094∙10-28

Þegar massi hluta er borinn saman er oft þægilegt að reikna út hlutfall massanna. Það sama á við þegar aðrar stærðir eru bornar saman; þannig sjáum við hversu mörgum sinnum stærri annar hluturinn er miðað við hinn. Hlutföll á mössum allra öreindanna úr töflu 1 má sjá í töflu 2 hér að neðan.

Tafla 2 sýnir útkomuna á hlutfalli massa
róteindar, nifteindar og rafeindar.

massahlutfallútkoma
rafeind/róteind0,00054462
róteind/rafeind1836
rafeind/nifteind0,00054387
nifteind/rafeind1839
róteind/nifteind0,9986
nifteind/róteind1,001

Úr töflunum sjáum við að kjarneindirnar, það er að segja róteindin og nifteindin, eru nánast jafn þungar þó að nifteindin sé örlítið þyngri. Rafeindin er hins vegar mun léttari en kjarneindirnar. Róteind er þannig 1836 sinnum þyngri en rafeind sem þýðir að 1836 rafeindir vega jafn mikið og ein róteind.

Frekara lesefni á Vísindavefnum:

Heimildir:

Útgáfudagur

4.5.2011

Spyrjandi

Úlfar Arinbjarnar, f. 1995

Höfundur

Emelía Eiríksdóttir

efnafræðingur og starfsmaður Vísindavefsins

Tilvísun

Emelía Eiríksdóttir. „Hver er massi róteindar í samanburði við massa rafeindar?“ Vísindavefurinn, 4. maí 2011. Sótt 23. júní 2017. http://visindavefur.is/svar.php?id=52800.

Emelía Eiríksdóttir. (2011, 4. maí). Hver er massi róteindar í samanburði við massa rafeindar? Vísindavefurinn. Sótt af http://visindavefur.is/svar.php?id=52800

Emelía Eiríksdóttir. „Hver er massi róteindar í samanburði við massa rafeindar?“ Vísindavefurinn. 4. maí. 2011. Vefsíða. 23. jún. 2017. <http://visindavefur.is/svar.php?id=52800>.

Chicago | APA | MLA

Sendu inn spurningu
eða

Vísindadagatalið

Útvarpstæki

Útvarpstæki tekur á móti útvarpsbylgjum sem eru ein tegund af rafsegulbylgjum. Útvarpið sem uppfinning er yfirleitt eignað Ítalanum Guglielmo Marconi (1874–1937) en áður höfðu aðrir lagt grunn að tækninni. Fyrsta útvarpsútsendingin var á aðfangadag jóla 1906, þá var m.a. leikið jólalag á fiðlu og lesið úr Biblíunni.