Hins vegar var gerð stór rannsókn í Svíþjóð til að kanna hvort börnum reiddi misjafnlega af eftir því hvenær sólarhrings þau fæddust. Rannsóknin tók til ríflega tveggja milljóna fæðinga og spannaði tímabilið 1973 til 1995. Þar kom í ljós að börnum sem fæddust að kvöldi og næturlagi var hættara við sjúkdómum og fæðingarvandamálum, svokallaðri asphyxiu (sem er bágt ástand barns eftir fæðingu) heldur en börnum sem fæddust að degi til. Ástæður voru taldar þær að þá væru deildir verr mannaðar og lengri biðtími eftir hjálp en að degi til. Frekara lesefni á Vísindavefnum:
- Hvernig hefur fæðingartíðni breyst gegnum árin? eftir Stefán Hrafn Jónsson
- Hver er algengasti fæðingardagur á Íslandi? eftir Gylfa Magnússon
- Af hverju heitir keisaraskurður þessu nafni? eftir Þuríði Þorbjarnardóttur
- Hafa karlmenn hríðahormón? eftir Þuríði Þorbjarnardóttur
- Natural Childbirth. Sótt 5.6.2009