Höfundur þessa svars hefur ekki nákvæmar niðurstöður á fæðuvali simpanasunga sem nýlega eru vandir af spena. Það má þó ætla að það sé ekki frábrugðið öðrum öpum í hópnum þar sem þeir læra með því að herma eftir eldri öpum. Unganir éta þess vegna að öllum líkindum það sem aðrir apar éta hverju sinni. Það má því gera ráð fyrir að fæða þeirra samanstandi meðal annars af ávöxtum og laufblöðum, og dýraafurðum eins og skordýrum, öðrum hryggleysingjum og jafnvel kjöti af spendýrum (helst colobus-apa, bavíana og skógarsvína). Frekari fróðleikur á Vísindavefnum:
- Hvað getið þið sagt mér um simpansa?
- Blanda einhverjar dýrategundir mismunandi fæðutegundum saman í einni og sömu máltíðinni, eins og maðurinn gerir?
- Hversu margir simpansar eru til í heiminum núna?
- Goodall, J. 1986. The Chimpanzees of Gombe: Patterns of Behavior. Cambridge, Massachusetts: The Belknap Press of Harvard University Press.
- Jones, C., C. Jones, J. Jones, Jr., D. Wilson. 1996. Pan troglodytes. Mammalian Species, 529: 1-9.
- Mynd: The Independent. Sótt 9. 10. 2009.