Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Af hverju eru ský á himnum?

Í svari Sigurðar Steinþórssonar við spurningunni: Hvaðan kemur vatnið? segir:

Vatnið er í samfelldri hringrás: það gufar upp úr sjónum á suðlægari breiddargráðum, berst inn yfir landið þar sem það þéttist og fellur til jarðar, streymir aftur til sjávar í vatnsföllum eða berst niður í berggrunninn sem grunnvatn - og þaðan til sjávar aftur með tímanum.

Í svari JGÞ við spurningunni: Úr hvaða efni eru ský? má svo sjá meira um hvernig skýin verða til en þar stendur:

Skýin sem við sjáum á himninum eru einfaldlega safn örsmárra vatnsdropa. Þau myndast þegar vatnsgufa í andrúmsloftinu kólnar. Við það þéttist hún og skýin verða til.

Þegar loft streymir upp á við lækkar bæði þrýstingur og hiti þess. Uppstreymi verður til dæmis þegar vindur lendir á fjöllum en þá þvingast loftið upp á við. Þegar það gerist kólnar loftið, vatnsgufan þéttist og ský myndast.

Skýjadroparnir hreyfast á ýmsa vegu. Þeir stækka svo við það að lenda í árekstri við aðra dropa. Þegar droparnir eru orðnir nógu stórir falla þeir til jarðar. Hitastigið ræður því hvort þeir komi til jarðar í formi rigningar eða snjós. Hringrás vatnsins heldur svo áfram og að lokum munu þessir sömu dropar vera komnir aftur á byrjunarreit uppi á himninum.

Frekara lesefni á Vísindavefnum:

Mynd:
  • HB.


Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.

Útgáfudagur

17.3.2011

Spyrjandi

Katrín Eva Hafsteinsdóttir, f. 1997

Höfundur

Tilvísun

ÍDÞ. „Af hverju eru ský á himnum?“ Vísindavefurinn, 17. mars 2011. Sótt 21. september 2017. http://visindavefur.is/svar.php?id=58945.

ÍDÞ. (2011, 17. mars). Af hverju eru ský á himnum? Vísindavefurinn. Sótt af http://visindavefur.is/svar.php?id=58945

ÍDÞ. „Af hverju eru ský á himnum?“ Vísindavefurinn. 17. mar. 2011. Vefsíða. 21. sep. 2017. <http://visindavefur.is/svar.php?id=58945>.

Chicago | APA | MLA

Sendu inn spurningu
eða

Vísindadagatalið

Hljóðmúr

Hljóðhraðinn í lofti er um 340 m/s, en það samsvarar 1.220 km/klst. Þegar farartæki eða aðrir hlutir ná þeim hraða er sagt að þau rjúfi hljóðmúrinn. Hávaðinn sem fylgir flugi yfir hljóðhraða stafar af höggbylgju samþjappaðs lofts. Hljóðmúrinn var fyrst rofinn árið 1947.