Sólin
Rís 05:15 • sest 21:38
Tunglið
Rís 01:18 • Sest 04:30
Flóð
Árdegis: 07:36 • Síðdegis: 19:53
Fjara
Árdegis: 01:39 • Síðdegis: 13:42
Bermúdaþríhyrningurinn svokallaði er svæði á Norður-Atlantshafi sem má afmarka með þríhyrningi sem dreginn er frá Miami í Flórída til Bermúda-eyja og þaðan til Púertó Ríkó. Þar hafa yfir 50 skip og 20 flugvélar horfið frá því um miðja 19. öld, mörg án vísbendinga um afdrif þeirra.Það er hins vegar ekkert því til fyrirstöðu að sigla eða fljúga inn og út úr Bermúdaþríhyrningnum. Ýmsar eðlilegar skýringar kunna að vera á þessum hvörfum. Þar má til dæmis nefna að mikil siglinga- og flugumferð er um svæðið en óútskýrð hvörf hafa átt sér stað annars staðar þar sem mikil umferð er. Einnig má ætla að fleiri hvörf verði þar sem umferð er mikil en þar sem umferð er lítil, það skal bent á að svæðið umtalaða er mjög stórt.
Einnig hefur verið bent á að vegna hitabeltisloftslagsins getur stormur skollið á án fyrirvara, jarðskjálfavirkni er á botni svæðisins, Golfstraumurinn fer þar um og reynist mönnum erfiður, mikið var um að bátum væri rænt á 8. og 9. áratug 20. aldarinnar til að smygla eiturlyfjum. Auk þess sem mörg hvörf áttu sér stað í tengslum við heimsstyrjaldinnar tvær.
Frekara lesefni, heimild og mynd á Vísindavefnum:
Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.
