Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Hvaðan kemur orðið gósentíð, þá sérstaklega fyrri parturinn?

Í fyrstu Mósebók Gamla testamentisins (45.10) lét Jósef senda föður sínum þau skilaboð að hann skyldi flytja með fjölskyldu sína alla og búfénað, en mikil hungursneyð ríkti, til þess lands sem héti Gósenland. Gósenland var búsældarland í Egyptalandi og þar bjuggu Gyðingar um tíma. Þegar á 19. öld var farið að nota orðið gósenland um land þar sem menn búa við allsnægtir. Talsvert yngra, eða frá síðari hluta síðustu aldar, er orðið gósentíð. Fyrri hlutinn er fenginn frá gósenlandi og orðið er notað um mjög gott tíðarfar, bæði í eiginlegri og óeiginlegri merkingu, það er bæði um veður og hagsæld.

Var Gósenland nálægt píramídunum?

Mynd:

Útgáfudagur

5.8.2011

Spyrjandi

Rebekka Búadóttir

Höfundur

Guðrún Kvaran

prófessor

Tilvísun

Guðrún Kvaran. „Hvaðan kemur orðið gósentíð, þá sérstaklega fyrri parturinn?“ Vísindavefurinn, 5. ágúst 2011. Sótt 22. september 2017. http://visindavefur.is/svar.php?id=59891.

Guðrún Kvaran. (2011, 5. ágúst). Hvaðan kemur orðið gósentíð, þá sérstaklega fyrri parturinn? Vísindavefurinn. Sótt af http://visindavefur.is/svar.php?id=59891

Guðrún Kvaran. „Hvaðan kemur orðið gósentíð, þá sérstaklega fyrri parturinn?“ Vísindavefurinn. 5. ágú. 2011. Vefsíða. 22. sep. 2017. <http://visindavefur.is/svar.php?id=59891>.

Chicago | APA | MLA

Sendu inn spurningu
eða

Vísindadagatalið

Kóran

Múslímar telja að Kóraninn hafi vitrast Múhameð spámanni smám saman á um 20 ára tímabili, frá 609 til 632 að vestrænu tímatali. Helstu fyrirmæli Kóransins eru sameiginleg öllum múslímum, vitnisburðurinn um að aðeins sé til einn guð og Múhameð sé spámaður hans, bænahald fimm sinnum á dag, fastan í Ramadan-mánuðinum, ölmusugjafir, og loks pílagrímsförin til Mekka.