- Hvað er klukkan í Danmörku þegar hún er 12 á hádegi á Íslandi?
- Hver er tímamunurinn á milli Noregs og Íslands?
- Hvaða tímamunur er á Tékklandi og Íslandi?
- Hvað er tímamunurinn á Íslandi og Kanaríeyjum?
- Hvað er klukkan núna í Afríku?
- Hvaða tímasvæði er CEST?
Með hjálp internetsins er mjög auðvelt og fljótlegt að sjá hvað klukkan er á hinum ýmsu stöðum í heiminum með því einfaldlega að slá beint inn í vafrann „time X“ þar sem X stendur fyrir heitið á þeim stað sem um ræðir. Þá birtist listi yfir hinar ýmsu síður gefa upplýsingar um tíma. Einnig er hægt að fara beint inn á slíkar síður, til dæmis Time and date.com, WorldTimeServer.com og Time Zone Converter. Ef síðastnefndi vefurinn er tekinn sem dæmi þá má þar meðal annars sjá hvað klukkan er í ýmsum löndum nákvæmlega á þessari stundu, hvað klukkan er á einum stað þegar hún er eitthvað ákveðið á öðrum stað (finna tímamismuninn) og hvert frávikið er frá alþjóðlegum staðaltíma. Þar er einnig að finna útskýringar á skammstöfunum sem gjarnan eru notaðar þegar tími er gefinn upp. Á þessari ágætu síðu er til dæmis hægt að sjá að í ágúst (þegar þetta er skrifað) er klukkan 14 eða tvö eftir hádegi í Danmörku þegar hún er 12 á hádegi á Íslandi. Hins vegar er tímamunurinn á milli Íslands og Danmerkur aðeins 1 klukkustund yfir veturinn þar sem Danir, líkt og svo margar aðrar þjóðir, eru með sérstakan sumartíma. Því er klukkan hjá þeim aðeins 13 eða eitt eftir hádegi yfir veturinn þegar hún er 12 á hádegi hjá okkur. Noregur og Tékkland eru bæði í sama tímabelti og Danmörk og tímamunurinn á milli þessara landa og Íslands því sá sami, ein klukkustund yfir veturinn en tvær yfir sumarið.
Tímabeltum Evrópu skipt upp með litum. Ljósari svæði þýða að sami tími er allt árið um kring, dekkri svæði notast við sumartíma.
- Hvað er klukkan í Kína þegar hún er 12 á hádegi hér? eftir Emilíu Dagnýju Sveinbjörnsdóttur
- Af hverju græddi Fíleas Fogg einn dag þegar hann fór umhverfis jörðina á 80 dögum? eftir Þorstein Vilhjálmsson
- Ef flugvél leggur af stað til Ameríku kl. 17:30 og lendir kl.17:30 er þá klukkan alls staðar 17:30 þar sem flugvélin flýgur yfir? eftir Þorstein Vilhjálmsson
- Wikipedia. Central European Time. Birt undir CC SA 1.0-leyfi Creative Commons. (Sótt 21.2.2019).