Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Hvenær ber að nota orðið báðir og hvenær orðin hvor tveggja?

Óákveðna fornafnið báðir er notað um það sem telja má með töluorðinu tveir, tvær, tvö.

Dæmi:
  • Jón og Sigurður eru vinir. Þeir eru báðir í grunnskóla.
  • Sigríður og Þóra eru báðar í fimleikum.
  • Einar og Þóra spila bæði á píanó.

Það er ekki notað með fleirfaldstölunum tvennir, tvennar, tvenn. Þar fer betur á að nota hvor tveggja. Orðið buxur er til dæmis aðeins notað í fleirtölu og þegar segja þarf frá fleiri en einni flík er notað tvennar og hvor tveggja.

Dæmi:
  • Hann á tvennar buxur og eru hvorar tveggja slitnar.
Þar sem báðir er aðeins notað um eitthvað tvennt teljanlegt gengur ekki að nota það um eitthvað sem ekki er unnt að telja, til dæmis hveiti, sykur, salt. Þar er notað hvorugkyn eintölu af fornafninu hvor tveggja.

Dæmi:
  • Mig vantar hveiti og sykur í kökuna. Kauptu fyrir mig hvort tveggja þegar þú ferð út í búð (ekki bæði).

Útgáfudagur

30.1.2013

Spyrjandi

Alexander Gunnar Kristjánsson, f. 1997

Höfundur

Guðrún Kvaran

prófessor

Tilvísun

Guðrún Kvaran. „Hvenær ber að nota orðið báðir og hvenær orðin hvor tveggja?“ Vísindavefurinn, 30. janúar 2013. Sótt 26. september 2018. http://visindavefur.is/svar.php?id=64006.

Guðrún Kvaran. (2013, 30. janúar). Hvenær ber að nota orðið báðir og hvenær orðin hvor tveggja? Vísindavefurinn. Sótt af http://visindavefur.is/svar.php?id=64006

Guðrún Kvaran. „Hvenær ber að nota orðið báðir og hvenær orðin hvor tveggja?“ Vísindavefurinn. 30. jan. 2013. Vefsíða. 26. sep. 2018. <http://visindavefur.is/svar.php?id=64006>.

Chicago | APA | MLA

Sendu inn spurningu
eða

Vísindadagatalið

Magnús Kjartan Gíslason

1976

Magnús Kjartan Gíslason er lektor við Tækni-og verkfræðideild Háskólans í Reykjavík. Hann leggur aðallega stund á rannsóknir á sviði lífaflfræði þar sem kraftar og álag á vefi og liði líkamans eru reiknaðir og mældir.