Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Hvert er íslenska nafnið á risaeðluættkvíslinni Corythosaurus?

Íslenska nafnið á ættkvíslinni Corythosaurus er andarkemba, en einnig kúfeðla. Latneska heitið má hins vegar þýða sem hjálmeðla. Fyrst var talið að allt að sjö tegundir tilheyrðu ættkvíslinni en rannsóknir hafa síðar leitt í ljós að líklega var tegundin aðeins ein, Corythosaurus casuarius.

Andarkemba (Corythosaurus casuarius) varð um níu metra löng og vó yfir fjögur tonn.

Andarkemban var norður-amerísk tegund. Hún var uppi var á síð-krítartímabilinu fyrir um 100 - 65 milljón árum síðan. Hún hafði lágt og fínlegt trýni og kringdan flatan kamb. Trýnið virðist vera aðlögun að sérhæfðara fæðuvali en hjá mörgum öðrum grasbítum og þá má leiða getum að því að hún hafi leitað í aldin og nýsprottin laufblöð.

Fundist hafa mjög tilkomumiklir og heillegir steingervingar af andarkembu en skepna þessi varð um níu metrar á lengd. Það sem er enn merkilegra er að það hafa fundist för eftir húð sem segir okkur að hún hafi verið með keilulaga hnúða neðst á bolnum en samfelt skinnkögur eftir bakinu.

Mynd:

Útgáfudagur

19.2.2014

Spyrjandi

G. Þóra Ingimarsdóttir

Höfundur

Jón Már Halldórsson

líffræðingur

Tilvísun

Jón Már Halldórsson. „Hvert er íslenska nafnið á risaeðluættkvíslinni Corythosaurus? “ Vísindavefurinn, 19. febrúar 2014. Sótt 24. september 2017. http://visindavefur.is/svar.php?id=66101.

Jón Már Halldórsson. (2014, 19. febrúar). Hvert er íslenska nafnið á risaeðluættkvíslinni Corythosaurus? Vísindavefurinn. Sótt af http://visindavefur.is/svar.php?id=66101

Jón Már Halldórsson. „Hvert er íslenska nafnið á risaeðluættkvíslinni Corythosaurus? “ Vísindavefurinn. 19. feb. 2014. Vefsíða. 24. sep. 2017. <http://visindavefur.is/svar.php?id=66101>.

Chicago | APA | MLA

Sendu inn spurningu
eða

Vísindadagatalið

Röntgengeisli

Röntgengeislar eru rafsegulgeislun með afar lítilli bylgjulengd og hárri tíðni. Þeir draga nafn sitt af þýska eðlisfræðingnum Wilhelm Röntgen (1845–1923) sem uppgötvaði þá fyrstur. Notkun röntgengeisla til sjúkdómsgreiningar og meðferðar í læknisfræði varð fljótt að sérgrein innan læknisfræðinnar. Fyrsta eiginlega röntgenmyndin var tekin 22. desember 1895. Hún er af hendi Önnu Berthu, konu Röntgens.