Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Orðið sæluhús er gamalt í málinu og kemur þegar fyrir í fornsögum. Í orðabók Johans Fritzners yfir forna málið er sæluhús sama og sáluhús sem skýrt er sem hús eða skýli sem ferðamenn gátu nýtt sér. Sýnd eru nokkur dæmi úr fornsögum, til dæmis (JFr 1896: 640):
Um Dofrafjall var mikil för ór Þrándheimi; urðu þar menn opt úti ok fóru illum förum; lét ek þar sæluhús gera. (Morkinskinna)
var þar gjört sæluhús mönnum þeim til vistar, er fóru með landi fram. (Grettis saga)
Gamalt sæluhús.
Orðið hafði því sömu merkingu og það hefur í dag, 'hús til að gista í í óbyggðum, á öræfum'.
Orðið sæla hafði í fornu máli sömu merkingu og í dag, það er 'vellíðan, unaður; hamingja, heill'.
Heimild og mynd:
JFr = Johan Fritzner 1896. Ordbog over Det gamle norske Sprog. III. Den norske Forlagsforening. Kristiania.
Mynd: - Kapitel 1. Úr bókinni Iceland - Routes over the Highlands
Sprengisandur and Kjalvegur eftir Daniel Bruun. Nordisk Forlag, Copenhagen and Reykjavík, 1907. (Sótt 22.9.2014.)
Sólin
Rís 04:20 • sest 22:46
Tunglið
Rís 22:56 • Sest 14:35
Flóð
Árdegis: 10:51 • Síðdegis: 23:16
Fjara
Árdegis: 04:39 • Síðdegis: 16:58
