Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Hvers vegna eru óhreinindi undir nöglum kallaðar sorgarrendur?

Sorgarrönd er tökuorð úr dönsku, sørgerand, og er notað um svartan ramma í dagblöðum eða á kortum þegar einhvers látins er minnst. Það er einnig notað þar í yfirfærðri merkingu um óhreinindarönd í skyrtukrögum eða skyrtulíningum.

Hérlendis þekkist eiginlega merkingin frá lokum 19. aldar samkvæmt Timarit.is - Leita um svartan ramma utan um tilkynningar um dauðaslys eða andlát en elst dæmi þar um yfirfærðu merkinguna 'óhreinindarönd undir nöglum' er frá 1919.

Sorgarrönd er tökuorð úr dönsku og var upphaflega notað um svartan ramma í dagblöðum eða á kortum þegar einhvers látins er minnst.

Í Íslensk-danskri orðabók Sigfúsar Blöndal, sem út kom á árunum 1920–1924, er orðið ekki fletta en í viðbæti við bókina, sem kom út 1963, er gefin merkingin 'sørgerand', án frekari skýringar. Í Íslenskri orðabók (2002) er aðeins gefin merkingin 'dökk óhreindarönd undir nöglum'. Þróunin hjá okkur er hin sama og í dönsku, fyrst eiginleg merking sem vísar til sorgar og síðan óeiginleg merking þar sem svarti ramminn kallar á líkinguna við óhreinindi undir nöglum.

Mynd:

Útgáfudagur

22.12.2014

Spyrjandi

Anna Lind Borgþórsdóttir, Eyjólfur Kristopher Kolbeins

Höfundur

Guðrún Kvaran

prófessor

Tilvísun

Guðrún Kvaran. „Hvers vegna eru óhreinindi undir nöglum kallaðar sorgarrendur? “ Vísindavefurinn, 22. desember 2014. Sótt 20. janúar 2018. http://visindavefur.is/svar.php?id=68078.

Guðrún Kvaran. (2014, 22. desember). Hvers vegna eru óhreinindi undir nöglum kallaðar sorgarrendur? Vísindavefurinn. Sótt af http://visindavefur.is/svar.php?id=68078

Guðrún Kvaran. „Hvers vegna eru óhreinindi undir nöglum kallaðar sorgarrendur? “ Vísindavefurinn. 22. des. 2014. Vefsíða. 20. jan. 2018. <http://visindavefur.is/svar.php?id=68078>.

Chicago | APA | MLA

Sendu inn spurningu
eða

Vísindadagatalið

Plástur

Plástur sem margir þekkja undir heitinu Band-Aid var fundinn upp árið 1920. Thomas Anderson og Earle Dickson þróuðu hann handa eiginkonu Dicksons. Hún átti það til að skera sig við eldamennsku og með plástrinum gat hún lokað litlum sárum án aðstoðar. Árið 1924 bjó fyrirtækið Johnson & Johnson til vél sem fjöldaframleiddi sótthreinsaða plástra og þeir voru mikið notaðir í seinni heimsstyrjöldinni.