Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Hvert er stærsta og minnsta liðdýr í heimi?

Stærsta núlifandi liðdýr (Arthropoda) jarðar er japanski köngulóarkrabbinn (Macrocheira kaempferi). Karldýrin eru nokkuð stærri en kvendýrin, þau stærstu mælast allt að 380 cm, frá einni kló til annarrar, lengd bakskjaldarins getur orðið allt að 40 cm og þyngdin allt að 19 kg.

Japanski köngulóarkrabbinn (Macrocheira kaempferi) er stærsta liðdýrið sem nú finnst á jörðinni.

Þessi stórvaxni krabbi finnst á grunnsævinu umhverfis Japanseyjar. Þrátt fyrir stærð er japanski köngulóarkrabbinn ekkert sérstaklega árásargjarn en getur klipið kröftuglega frá sér ef honum er ógnað. Hann var töluvert veiddur fyrir nokkrum áratugum en afli hefur dregist mikið saman miðað við það sem áður var og veiðimenn þurfa að sækja dýpra á miðin til að veiða. Ýmsir hafa áhyggjur af stofnstærð krabbans og ýmislegt er gert til að reyna að byggja stofninn upp aftur.

Til eru mörg afar smávaxin liðdýr, sérstaklega krabbadýr (Crustacea). Minnsta liðdýrið sem vísindamenn hafa fundið er tegund sem nefnist á fræðimáli Stygotantulus stocki. Hún lifir sem ytra sníkjudýr á árfætlum (Copepoda), en dýrið er einungis um 94 µm (0,094 mm) á lengd.

Mynd:

Útgáfudagur

23.6.2015

Spyrjandi

Helena Ýr Helgadóttir

Höfundur

Jón Már Halldórsson

líffræðingur

Tilvísun

Jón Már Halldórsson. „Hvert er stærsta og minnsta liðdýr í heimi?“ Vísindavefurinn, 23. júní 2015. Sótt 24. janúar 2018. http://visindavefur.is/svar.php?id=70176.

Jón Már Halldórsson. (2015, 23. júní). Hvert er stærsta og minnsta liðdýr í heimi? Vísindavefurinn. Sótt af http://visindavefur.is/svar.php?id=70176

Jón Már Halldórsson. „Hvert er stærsta og minnsta liðdýr í heimi?“ Vísindavefurinn. 23. jún. 2015. Vefsíða. 24. jan. 2018. <http://visindavefur.is/svar.php?id=70176>.

Chicago | APA | MLA

Sendu inn spurningu
eða

Vísindadagatalið

Berglind Rós Magnúsdóttir

1973

Berglind er dósent við Menntavísindasvið Háskóla Íslands og formaður námsbrautarinnar Menntunarfræði og margbreytileiki. Rannsóknir hennar snúast um félagslegt réttlæti í menntun með áherslu á samverkandi áhrif stéttar, uppruna, kynferðis og sértækra menntunarþarfa á gæði og jafnrétti í uppeldi og menntun.