Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað keypti nýi Landsbankinn af gamla Landsbankanum fyrir hið svokallaða Landsbankabréf?

Stutta svarið við þessari spurningu er einfalt: Hér er verið að vísa til skuldabréfs sem gefið var út sem hluti af uppgjöri milli gamla Landsbankans (þrotabúsins) og nýja Landsbankans. Þegar nýi Landsbankinn var stofnaður þá fékk hann afhentar ýmsar eignir sem höfðu verið í eigu gamla Landsbankans, fyrst og fremst þær sem tengdust innlendri starfsemi gamla bankans. Nýi Landsbankinn tók einnig við hluta af skuldum þess gamla, meðal annars innlendum innlánum hans. Skuldirnar sem færðust yfir voru þó talsvert minni en eignirnar og var skuldabréfinu ætlað að jafna það út.

Eignirnar voru af ýmsu tagi, fyrst og fremst lán gamla bankans til innlendra aðila en líka öll útibúin, tölvukerfin, listaverkasöfnin og því um líkt.

Þegar nýi Landsbankinn var stofnaður þá fékk hann ýmsar eignir sem höfðu verið í eigu gamla Landsbankans. Fyrst og fremst lán gamla bankans til innlendra aðila en líka öll útibúin, tölvukerfin og listaverkasöfnin. Mósaíkmyndin Konungssæmd eftir Nínu Tryggvadóttur er veggmynd í húsnæði Landsbankans.

Ítarefni:
  • Hér er umfjöllun um stofnaefnahagsreikning nýja Landsbankans og neðst í fréttinni er meðal annars vísað á ýmis skjöl.
  • Hér er síðan lýsing Fjármálaeftirlitsins á aðferðafræðinni við mat á eignum og skuldum gömlu bankanna.

Mynd:

Útgáfudagur

20.10.2015

Spyrjandi

Jón Ingólfur Magnússon

Höfundur

Gylfi Magnússon

dósent í hagfræði við HÍ

Tilvísun

Gylfi Magnússon. „Hvað keypti nýi Landsbankinn af gamla Landsbankanum fyrir hið svokallaða Landsbankabréf?“ Vísindavefurinn, 20. október 2015. Sótt 30. apríl 2017. http://visindavefur.is/svar.php?id=70582.

Gylfi Magnússon. (2015, 20. október). Hvað keypti nýi Landsbankinn af gamla Landsbankanum fyrir hið svokallaða Landsbankabréf? Vísindavefurinn. Sótt af http://visindavefur.is/svar.php?id=70582

Gylfi Magnússon. „Hvað keypti nýi Landsbankinn af gamla Landsbankanum fyrir hið svokallaða Landsbankabréf?“ Vísindavefurinn. 20. okt. 2015. Vefsíða. 30. apr. 2017. <http://visindavefur.is/svar.php?id=70582>.

Chicago | APA | MLA

Sendu inn spurningu
eða

Vísindadagatalið

Sólmyrkvi

Sólmyrkvar verða þegar tungl er nýtt og gengur fyrir sólina. Það varpar þá skugga á takmarkað svæði á yfirborði jarðar. Almyrkvar á sólu eru sjaldséðir atburðir á hverjum stað á jörðinni, þar sem skugginn fellur aðeins á mjög lítið og afmarkað svæði. Fræðilega séð gætu almyrkvar lengst varað í 7 mínútur og 31 sekúndu en alla jafna standa þeir yfir í 2–4 mínútur.