Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hve stór hluti af þjóðinni hefur farið í fangelsi?

Ekki tókst að finna upplýsingar um það hversu stór hluti af þjóðinni hefur á einhverjum tímapunkti setið í fangelsi. Á vef Fangelsismálastofnunar ríkisins Fangelsi.is eru hins vegar ýmsar upplýsingar um fanga og fangavist. .Þar má til dæmis sjá að árið 2006 voru að meðaltali 117,7 fangar í öllum fangelsum landsins hvern dag ársins. Það þýðir að 38,3 af hverjum 100.000 íbúum hafi verið í fangelsi.

Talan hækkar aðeins ef teknir eru með fangar sem voru vistaðir annars staðar en í fangelsi, svo sem á sjúkrahúsum eða öðrum stofnunum, í meðferð, hjá Vernd, á Sólheimum eða annars staðar. Þá voru fangar alls að meðaltali 142,6 eða 46,4 á hverja 100.000 íbúa.



Árið 2006 voru fangar á Íslandi að meðaltali 46,4 á hverja 100.000 íbúa. Það þýðir að tæplega 0,05% þjóðarinnar afplánaði dóm það árið.

Samkvæmt upplýsingum á vef Afstöðu, félags fanga, þá væri hlutfall fanga á Íslandi hærra ef fangelsispláss væru fleiri. Það skýrist ekki af því að þá myndi fleiri brjóta af sér heldur eru biðlistar eftir að afplána dóma. Talið er að allt að 140 manns bíði eftir að sitja af sér dóm. Ef allir þessir einstaklingar gætu hafið afplánun í dag væri því næstum tvöfalt fleiri fangar á Íslandi en nú eru, alla vega á meðan verið væri að vinna biðlistann niður.

Frekari fróðleikur á Vísindavefnum:

Heimildir og mynd:


Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.

Útgáfudagur

11.3.2008

Spyrjandi

Hildur og Brynhildur, f. 1995

Höfundur

Emilía Dagný Sveinbjörnsdóttir

landfræðingur og starfsmaður Vísindavefsins

Tilvísun

EDS. „Hve stór hluti af þjóðinni hefur farið í fangelsi?“ Vísindavefurinn, 11. mars 2008. Sótt 23. maí 2017. http://visindavefur.is/svar.php?id=7217.

EDS. (2008, 11. mars). Hve stór hluti af þjóðinni hefur farið í fangelsi? Vísindavefurinn. Sótt af http://visindavefur.is/svar.php?id=7217

EDS. „Hve stór hluti af þjóðinni hefur farið í fangelsi?“ Vísindavefurinn. 11. mar. 2008. Vefsíða. 23. maí. 2017. <http://visindavefur.is/svar.php?id=7217>.

Chicago | APA | MLA

Sendu inn spurningu
eða

Vísindadagatalið

Grafarsiðir

Elstu merki sem gætu bent til þess að búið hafi verið um lík, eru rúmlega 100.000 ára gömul. Líkamsleifum neanderdalsmanns var komið fyrir í stellingu sem minnir á barn í móðurkviði og sumir telja að blómum hafi verið stráð yfir. Steinaldarmenn grófu hina látnu oft í hellisgólf og stundum voru bein látinna lituð rauð. Algengt var víða um heim að höfuð var losað frá bol til að koma í veg fyrir að hinn látni gengi aftur.