Hvað er átt við með hugtökunum kolefnisspor, sótspor og vistspor?

Nafn þitt

Netfang þitt

Netfang móttakanda

Ruslpóstvörn =

Svar

Hvað er átt við með hugtökunum kolefnisspor, sótspor og vistspor?
Ekkert þessara þriggja hugtaka á sér lögformlega skilgreiningu þannig það sem hér kemur á eftir er byggt á vinnu og viðhorfum höfundar.

Kolefnissspor:

Sú heildarlosun gróðurhúsalofttegunda sem einstaklingur, viðburður, fyrirtæki eða framleiðsla tiltekinnar vöru veldur á einu ári, venjulega gefin upp í tonnum koldíoxíðígilda (tonn CO₂-íg).

Sótspor:

Stundum notað í sömu merkingu og kolefnisspor. Orðið er villandi og gefur ranga mynd af viðfanginu, þar sem sót hefur lítil og að mestu leyti aðeins óbein tengsl við losun gróðurhúsalofttegunda.

Vistspor:

Áhrif einstaklings, vöru eða samfélags á umhverfið, venjulega gefin upp í fjölda hektara á landi og láði sem þarf til að útvega þær náttúruauðlindir sem viðkomandi neytir og til að taka við þeim úrgangi sem fellur til við neysluna.

Til að draga þetta saman þá eru hugtökin kolefnisspor og sótspor að öllum líkindum samheiti, en það síðarnefnda er nánast ónothæft vegna þess hversu illa það lýsir viðfanginu. Vistspor er hins vegar víðara hugtak, þar sem stærð þess ræðst ekki aðeins af losun gróðurhúsalofttegunda, heldur einnig af öðrum þáttum sem tengjast neyslu. Hins vegar er líklegt að talsverð fylgni sé á milli hugtakanna, þar sem meiri neyslu fylgir jafnan stærra kolefnisspor.

Mynd:

• Reduce Your Carbon Footprint : 7 Instant Ways - CO2 Living. (Sótt 26.2.2020).

Guðmunda og Arna Björg spurðu sérstaklega um viststpor....