Er vitað hvort ónæmisbælandi meðferð auki líkur á alvarlegri kórónuveirusýkingu?

Nafn þitt

Netfang þitt

Netfang móttakanda

Ruslpóstvörn =

Svar

Er vitað hvort ónæmisbælandi meðferð auki líkur á alvarlegri kórónuveirusýkingu?
Daði spurði upprunalega um tvennt sem tengist sjúkdómnum COVID-19. Hér er fyrri hluta spurningarinnar svarað:

Er vitað á þessari stundu hvort ónæmisbælandi meðferð (s.s. sterar, methotrexate eða líftæknilyf) auki líkur á alvarlegri kórónuveirusýkingu?

Ónæmisbælandi meðferð getur aukið hættu á ýmis konar sýkingum og það er mögulegt að slík meðferð auki hættu á alvarlegri COVID-19-sýkingu en sú hætta er að líkindum lítil. Einnig er vert að hafa í huga að slíkri meðferð er beitt í baráttu við alvarlega sjúkdóma sem í sjálfu sér geta sett sjúklinginn í áhættuhóp varðandi COVID-19. Það getur því verið spurning hvort sé hættulegra í þessu samhengi sjúkdómurinn eða meðferðin.

Ef dregið er úr ónæmisbælandi meðferð má búast við því að sjúkdómurinn versni sem setur sjúklinginn í aukna hættu. Mikilvægt er að sjúklingar sem eru á ónæmisbælandi meðferð hætti ekki eða dragi úr slíkri meðferð nema í samráði við lækninn sem stýrir meðferðinni.

Mynd:

• File:Healthy Human T Cell.jpg - Wikimedia Commons. (Sótt 27.03.2020).

...