Hvað er ppm og hvernig er það notað í vísindum?

Nafn þitt

Netfang þitt

Netfang móttakanda

Ruslpóstvörn =

Svar

Hvað er ppm og hvernig er það notað í vísindum?
Flestir kannast við hugtakið prósenta (e. percentage) og vita að það er hundraðshluti. Þrjú prósent eru því þrír hundraðshlutar og ritast 3%.

Þegar prósenta er reiknuð tökum við hlutfall af hlutanum og heildinni og margföldum með 100. Ef við værum með 200 bolta þar sem 40 þeirra væru bláir en afgangurinn rauðir myndum við reikna prósentu bláu boltanna eftirfarandi:

% bláir boltar = ${Hluti \over Heild}$ * 100% = ${40 \over 200}$ * 100% = 20%

Hugtakið ppm er skammstöfun fyrir parts per million sem útleggst á íslensku sem milljónustuhlutar (1 af 1.000.000). Þrjú ppm eru því þrír milljónustu hlutar og ritast 3 ppm. Hugtakið ppm er lítið notað í daglegu tali en er talvert notað í vísindum, til dæmis þegar talað er um snefilefni í vatni eða jarðvegi.

Þegar reikna á ppm er notuð sama aðferð og við prósentureikning, nema að í stað þess að margfalda með 100 er margfaldað með milljón. Ef við værum með 3 milljónir bolta þar sem 15 þeirra eru bláir en afgangurinn rauðir myndum við reikna ppm bláu boltanna á eftirfarandi hátt:

ppm bláir boltar=${Hluti \over Heild}$ * 1.000.000ppm=${15 \over 3.000.000}$ * 1.000.000ppm=5ppm

Mynd:

• Rawpixel.com. (Sótt 26.8.2022).

...