Senda inn spurningu
Sólin Sólin Rís 05:36 • sest 21:19 í Reykjavík
Tunglið Tunglið Rís 16:44 • Sest 05:50 í Reykjavík
Flóð Flóð Árdegis: 04:37 • Síðdegis: 17:05 í Reykjavík
Fjaran Fjara Árdegis: 10:57 • Síðdegis: 23:09 í Reykjavík
Visit the English version

Flokkun:

Vísindavefur Föstudagssvar

Hvernig get ég vitað hvort ég sé með óráði á meðan á óráðinu stendur?

Ritstjórn Vísindavefsins

Spurningin í fullri lengd hljóðaði svona:

Að sjá hvort einhver sem ég þekki vel er með óráði er tiltölulega auðvelt en (hvernig) get ég vitað hvort ég sjálfur er með óráði á meðan á því stendur?

Einfalda svarið við spurningunni er þetta: Þeir sem geta lagt inn spurningu um ástand sitt til Vísindavefsins eru alls ekki með óráði. Verði misbrestur þar á, er um eiginlegt óráð að ræða.

Þessi algilda regla var nýlega tekin upp í helstu viðmiðunarpróf læknavísindanna, eða um leið og heppnaðist í fimmtu tilraun að senda inn spurninguna: Eru til rök fyrir því að ég sé ekki sveppur? Rænulausir gætu aldrei krafið Vísindavefinn um rök með eða á móti sveppatilvist sinni!

Nokkrar fræðigreinar vísindanna hafa um langa hríð fengist við óráð og þar er hagfræðin fremst í flokki. Í spennandi námskeiðum á næsta misseri fá nemendur tækifæri til að afla sér grunnskilnings á ýmsum óráðskenndum hugtökum:
  • HAG007 Óráð-stafað eigið fé (í skúffum)
  • HAG112 Óráð-stafaður hagnaður (í Money Heaven)
  • HAG110 Óráð-vendni í ræðu, riti og fugladriti
  • HAG990 Óráð-semi, fyrir semidúxa
  • HAG882 Óráð-síumenn (námskeið í samstarfi við kynjafræðiskor og KSÍ)
  • HAG999 Óráð-síubelgur (námskeið í samstarfi við námsbraut í næringarfræði og KFC).
Ef einhverjir hafa ekki tök á að sækja þessi námskeið bendir Vísindavefurinn á námskeiðið Tala kindur fjármál? Það verður kennt á milli rétta og sláturtíðar í nýjum höfuðstöðvum Landsbankans.[1]

Óráðsíubelgur á námskeiði í hag- og næringarfræði. Í gleraugunum sem hann ber er svonefnd óráð-sía en með henni er hægt að sía óðs manns óra á brott, hvort sem þeir eru innsiglaðir eða ekki.

Vilji menn ná fullkomnum tökum á óráði er einnig hægt að verða sér úti um svonefnda óráð-síu. Henni er komið fyrir í sérstökum gleraugum sem virka á svipaðan hátt og skautunarsíur í gleraugum laxveiðimanna. Enn sem komið eru óráð-síu-gleraugun frekar dýr og mörgum gæti því þótt óráð að fjárfesta í slíkum brillum.

Ef lesendur vita ekki lengur sitt rjúkandi ráð er rétt að taka fram að þetta er föstudagssvar. Höfundar þess hafa rasað hressilega um ráð fram og allur vaðallinn er tómt óráðshjal frá enda til upphafs (og líka frá upphafi til enda - höldum við?; það gæti þó farið eftir því hvar menn hefja lesturinn).

Tilvísun:
  1. ^ Eða á Reðursafninu ef ekki tekst að reisa höfuðstöðvarnar í tæka tíð. Skráðir þátttakendur þurfa að sækja sér JARM-appið hér - og fá þá frekari tilkynningar um hvar og hvenær verði dregið í dilka.

Mynd:

Höfundur

Ritstjórn Vísindavefsins

Ritstjórn Vísindavefsins

Útgáfudagur

1.10.2021

Spyrjandi

Örn

Efnisorð

Tilvísun

Ritstjórn Vísindavefsins. „Hvernig get ég vitað hvort ég sé með óráði á meðan á óráðinu stendur?“ Vísindavefurinn, 1. október 2021. Sótt 20. apríl 2024. http://visindavefur.is/svar.php?id=81991.

Ritstjórn Vísindavefsins. (2021, 1. október). Hvernig get ég vitað hvort ég sé með óráði á meðan á óráðinu stendur? Vísindavefurinn. Sótt af http://visindavefur.is/svar.php?id=81991

Ritstjórn Vísindavefsins. „Hvernig get ég vitað hvort ég sé með óráði á meðan á óráðinu stendur?“ Vísindavefurinn. 1. okt. 2021. Vefsíða. 20. apr. 2024. <http://visindavefur.is/svar.php?id=81991>.

Chicago | APA | MLA

Tengd svör

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hvernig get ég vitað hvort ég sé með óráði á meðan á óráðinu stendur?
Spurningin í fullri lengd hljóðaði svona:

Að sjá hvort einhver sem ég þekki vel er með óráði er tiltölulega auðvelt en (hvernig) get ég vitað hvort ég sjálfur er með óráði á meðan á því stendur?

Einfalda svarið við spurningunni er þetta: Þeir sem geta lagt inn spurningu um ástand sitt til Vísindavefsins eru alls ekki með óráði. Verði misbrestur þar á, er um eiginlegt óráð að ræða.

Þessi algilda regla var nýlega tekin upp í helstu viðmiðunarpróf læknavísindanna, eða um leið og heppnaðist í fimmtu tilraun að senda inn spurninguna: Eru til rök fyrir því að ég sé ekki sveppur? Rænulausir gætu aldrei krafið Vísindavefinn um rök með eða á móti sveppatilvist sinni!

Nokkrar fræðigreinar vísindanna hafa um langa hríð fengist við óráð og þar er hagfræðin fremst í flokki. Í spennandi námskeiðum á næsta misseri fá nemendur tækifæri til að afla sér grunnskilnings á ýmsum óráðskenndum hugtökum:
  • HAG007 Óráð-stafað eigið fé (í skúffum)
  • HAG112 Óráð-stafaður hagnaður (í Money Heaven)
  • HAG110 Óráð-vendni í ræðu, riti og fugladriti
  • HAG990 Óráð-semi, fyrir semidúxa
  • HAG882 Óráð-síumenn (námskeið í samstarfi við kynjafræðiskor og KSÍ)
  • HAG999 Óráð-síubelgur (námskeið í samstarfi við námsbraut í næringarfræði og KFC).
Ef einhverjir hafa ekki tök á að sækja þessi námskeið bendir Vísindavefurinn á námskeiðið Tala kindur fjármál? Það verður kennt á milli rétta og sláturtíðar í nýjum höfuðstöðvum Landsbankans.[1]

Óráðsíubelgur á námskeiði í hag- og næringarfræði. Í gleraugunum sem hann ber er svonefnd óráð-sía en með henni er hægt að sía óðs manns óra á brott, hvort sem þeir eru innsiglaðir eða ekki.

Vilji menn ná fullkomnum tökum á óráði er einnig hægt að verða sér úti um svonefnda óráð-síu. Henni er komið fyrir í sérstökum gleraugum sem virka á svipaðan hátt og skautunarsíur í gleraugum laxveiðimanna. Enn sem komið eru óráð-síu-gleraugun frekar dýr og mörgum gæti því þótt óráð að fjárfesta í slíkum brillum.

Ef lesendur vita ekki lengur sitt rjúkandi ráð er rétt að taka fram að þetta er föstudagssvar. Höfundar þess hafa rasað hressilega um ráð fram og allur vaðallinn er tómt óráðshjal frá enda til upphafs (og líka frá upphafi til enda - höldum við?; það gæti þó farið eftir því hvar menn hefja lesturinn).

Tilvísun:
  1. ^ Eða á Reðursafninu ef ekki tekst að reisa höfuðstöðvarnar í tæka tíð. Skráðir þátttakendur þurfa að sækja sér JARM-appið hér - og fá þá frekari tilkynningar um hvar og hvenær verði dregið í dilka.

Mynd:...