Hver er munurinn á geni og DNA?

Nafn þitt

Netfang þitt

Netfang móttakanda

Ruslpóstvörn =

Svar

Hver er munurinn á geni og DNA?
Í stuttu máli er munurinn þessi: DNA er gert úr löngum kjarnsýrukeðjum og skiptist í starfseiningar sem kallast gen. Gen eru því hluti af DNA. DNA er erfðaefni allra lífvera og öll gen lífvera eru úr DNA. Í DNA-inu er hins vegar fleira að finna en aðeins gen.

Genin eru á litningum sem eru DNA-þræðir í kjarna frumu. Litningar eru gerðir úr kjarnsýrunni DNA og prótínum. Á milli gena er svokallað rusl-DNA, það er DNA sem gegnir engu hlutverki. Allir litningar heilkjarna lífvera hafa þráðhöft sem eru genalaus.

Flest gen ákvarða gerð prótína en prótín eru starfssameindir frumunnar. Þar sem genin ráða gerð prótína stýra þau einnig flestum líffræðilegum eiginleikum frumu og lífveru. Þessir eiginleikar erfast með genunum.

Stundum er erfðaefninu líkt við uppskrift eða teikningu sem geymir upplýsingar um gerð þeirra prótína sem frumur mynda.

Hægt er að lesa meira um gen og erfðaefni í svörum við spurningunum:

• Hvað er DNA og RNA og hvert er hlutverk þeirra?
• Hvað er gen?

Mynd:

• Year 9 Genes and Chromosomes Diagram | Quizlet. (Sótt 13.05.2022).

Höfundur þakkar Arnari Pálssyni, erfðafræðingi og prófessor í lífupplýsingafræði við HÍ, fyrir yfirlestur.

...