Hefur einhvern tíma verið hægt að ganga um landbrú frá Íslandi til meginlandanna?

Nafn þitt

Netfang þitt

Netfang móttakanda

Ruslpóstvörn =

Svar

Hefur einhvern tíma verið hægt að ganga um landbrú frá Íslandi til meginlandanna?
Upprunalega spurningin frá Ingibirni hljómaði svona:

Hefur verið hægt að ganga þurrum fótum á föstu landi frá Íslandi í jarðsögunni?

Neðansjávarhryggurinn frá Austur-Grænlandi um Ísland til Færeyja og Bretlandseyja er „afurð“ möttulstróksins sem nú er undir Íslandi. Þar hefur hann verið í 55-60 milljón ár frá því þegar Norður-Atlantshaf byrjaði að opnast — meginlandið Laurasia að klofna í Norður-Ameríku og Evrasíu. Þá hafði möttulstrókurinn verið lokaður undir þykkri meginlandsskorpu í langan tíma og við þrýstiléttinn þegar skorpan klofnaði mynduðust feikn af basaltbráð sem sjá má í blágrýtismyndunum á Austur-Grænlandi og í Færeyjum, Skotlandi og Írlandi.

Möttulstrókurinn hélt áfram að mynda þrisvar til fjórum sinnum þykkari skorpu en rekhryggurinn utan hans, Grænland og Evrasía fjarlægðust hvort annað og A-V-hryggurinn lengdist í báðar áttir frá stróknum.

Yfir stróknum hefur hryggurinn alltaf verið ofansjávar eins og Ísland er nú, en með gliðnun hafsbotnsins um Mið-Atlantshafshrygginn kólnar bergið, þéttist og sekkur loks í sæ. Framan af opnun Norður-Atlantshafs hefur verið landbrú um þáverandi Ísland milli meginlandanna en ef draga má lærdóm af stærð Íslands og fleiru mætti ætla að fyrir um 40 m.á. hafi tekið að fljóta yfir báða enda brúarinnar – Ísland orðið að eyju.

Yfirlitsmynd:

• North Atlantic Seafloor Map. Shadedrelief.com. https://www.shadedrelief.com/atlantic/

...