Geta silfurskottur klifrað?

Nafn þitt

Netfang þitt

Netfang móttakanda

Ruslpóstvörn =

Svar

Geta silfurskottur klifrað?
Silfurskottur (Lepisma saccharina) eru meðal algengustu meindýra í híbýlum manna hér á landi. Þær þrífast best í röku og hlýju umhverfi, svo sem á baðherbergjum, í þvottahúsum, kjöllurum eða illa loftræstum rýmum en finnast líka til dæmis í eldhúsum og bókahillum þar sem þær komast í gott æti.

Silfurskottur eru ljósfælnar og kunna vel við sig í sprungum, rifum, í skápum og úti í hornum eða öðrum skúmaskotum. Ef ljós er kveikt í rými þar sem þær eru á ferðinni sjást þær gjarnan skjótast hið snarasta í skjól.

Silfurskottur halda sig yfirleitt á nokkuð láréttu yfirborði en þær geta auðveldlega klifrað upp hrjúfa og jafnvel málaða veggi þótt þær fari ekki eins hratt yfir þar og til dæmis á gólfi. Þær hafa klær og loðna þófa sem gerir þeim kleift að ganga upp lóðrétta veggi. Fullkomlega sléttir lóðréttir fletir, svo sem gler, plast og sléttar flísar, eru þeim hins vegar erfiðir og sjást silfurskottur því vafalaust afar sjaldan á slíkum stöðum.

Yfirlitsmynd:

• Silverfish (Lepisma saccharina).jpg. Wikimedia Commons. Birt undir CC BY-SA 2.0 leyfi. https://commons.wikimedia.org

...