Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvenær var smokkurinn fundinn upp?

Óvíst er hvenær smokkurinn var fyrst fundinn upp. Þó er víst að ýmsir hlutir hafa verið notaðir í aldanna rás til að þekja getnaðarlimi í þeim tilgangi að vernda gegn þungun og sýkingum og til skrauts og örvunar. Nokkurs konar slíður til að setja á getnaðarlim var notað af egypskum karlmönnum um 1350 fyrir Krist. Óvíst er um tilgang notkunarinnar en talið er að það hafi verið ætlað til skrauts.

Árið 1564 lýsti ítalski líffærafræðingurinn Fallopius slíðri úr hör. Fljótlega fylgdu í kjölfarið slíður úr dýragörn. Það var ekki fyrr en á 18. öldinni sem farið var að nefna þessi slíður smokka. Upp úr 1840 var svo farið að framleiða smokka úr gúmmíi en um 1930 kom fram nýtt gúmmíkennt plastefni, latex, sem þótti henta betur (Robertson, 1990; Hatcher, o.fl., 1990; Everett, 1998).

Heimildir:

Everett, S. (1998). Handbook of contraception and family planning. London: Bailliére Tindall.

Hatcher, R.A., Stewart, F., Trussell, J., Kowal, D., Guest, F., Stewart, G.K. og Cates, W. (1990). Contraceptive technology. New York: Irvington Publishers, Inc.

Robertson, W.H. (1990). An illustrated history of contraception. New Jersey: The Parthenon Publishing Group.


Mynd: HB

Útgáfudagur

6.10.2000

Spyrjandi

Óskar Arnórsson, f. 1984

Höfundur

prófessor og forstöðumaður fræðasviðs um kynheilbrigði við HÍ

Tilvísun

Sóley S. Bender. „Hvenær var smokkurinn fundinn upp?“ Vísindavefurinn, 6. október 2000. Sótt 14. desember 2019. http://visindavefur.is/svar.php?id=981.

Sóley S. Bender. (2000, 6. október). Hvenær var smokkurinn fundinn upp? Vísindavefurinn. Sótt af http://visindavefur.is/svar.php?id=981

Sóley S. Bender. „Hvenær var smokkurinn fundinn upp?“ Vísindavefurinn. 6. okt. 2000. Vefsíða. 14. des. 2019. <http://visindavefur.is/svar.php?id=981>.

Chicago | APA | MLA

Sendu inn spurningu
eða

Vísindadagatalið

Ólöf Guðný Geirsdóttir

1968

Ólöf Guðný Geirsdóttir er dósent í næringarfræði við Matvæla- og næringarfræðideild HÍ. Meginviðfangsefni hennar eru næringarástand aldraðra ásamt rannsóknum á áhrifum næringar á farsæla öldrun.