Af hverju getum við ekki allt?

Svar

Við getum ekki gert allt af þeirri einföldu ástæðu að við erum einungis mannleg. Meðal annars getur líkami okkar ekki ráðið við öll þau verkefni sem við tökum okkur fyrir hendur. Þar mætti nefna hluti eins og að fljúga eða að anda í vatni.

Einnig á maðurinn erfitt með að hugsa um mjög flókna hluti en segja má að sumt sé ofar mannlegum skilningi.

Þrátt fyrir að maðurinn geti ekki flogið einn og óstuddur, þá getur hann það með hjálp flugvéla!

Aftur á móti er hægt að færa rök fyrir því að hægt sé að gera allt. Maðurinn býr þá til eitthvað sem framkvæmir tiltekin verkefni, til dæmis er hægt að fljúga með hjálp flugvéla eða annarra tækja, anda í vatni með hjálp súrefniskúta og láta tölvur reikna út flókna hluti sem við getum ekki gert.

Þannig má segja að hægt sé að gera allt með hjálpa véla og tækja en án nokkurra hjálpartækja þá getur líkami okkar og hugur ekki ráðið við öll verkefni heimsins. En er það að gera allt? Og enn fremur, hvað er að geta gert allt?

Mynd:

• en.wikipedia.org - Fixed-wing aircraft. Sótt 18.6.2012.

---

Þetta svar er eftir nemanda í Háskóla unga fólksins, námskeiðum á vegum HÍ fyrir 12-16 ára ungmenni í júnímánuði 2012.