Sólin Sólin Rís 03:27 • sest 23:37 í Reykjavík
Tunglið Tunglið Rís 00:59 • Sest 10:34 í Reykjavík
Flóð Flóð Árdegis: 09:54 • Síðdegis: 22:15 í Reykjavík
Fjaran Fjara Árdegis: 03:51 • Síðdegis: 15:54 í Reykjavík

Hver er þumalputtaregla Canakaris?

Gylfi Magnússon

Hér er væntanlega verið að vísa til þumalputtareglu sem Ronald nokkur Canakaris beitir við val á hlutabréfum. Canakaris þessi stjórnar nokkrum bandarískum verðbréfasjóðum og starfar hjá fyrirtæki sem heitir Montag & Caldwell.

Canakaris einbeitir sér að stórum fyrirtækjum, með markaðsvirði umfram þrjá milljarða dollara. Hann reynir að finna fyrirtæki sem líklegt er að skili vaxandi hagnaði í framtíðinni og hafa skilað að minnsta kosti 10% vexti hagnaðar undanfarin ár. Með því að reikna út svokallað núvirði hagnaðar fyrirtækjanna miðað við spá hans um hagnað næsta áratug finnur hann út áætlað virði þeirra. Ef þetta mat hans á virði fyrirtækis er að minnsta kosti fjórðungi hærra en markaðsverð þess nú þá telur hann góð kaup í fyrirtækinu og kaupir bréf í því fyrir hönd sjóða sinna. Hann selur svo bréfin aftur ef markaðsverð þeirra er orðið jafnhátt eða hærra og mat hans á virði þeirra.

Þessi þumalputtaregla hefur skilað þokkalegum árangri. Helsti sjóðurinn sem Canakaris stjórnar hefur undanfarinn áratug skilað ávöxtun sem er um einu og hálfu prósentustigi hærri á ári en ávöxtun 500 stærstu hlutafélaga Bandaríkjanna að meðaltali.

Áhugamenn um hlutabréf gera sumir hverjir mikið úr svona þumalputtareglum en hafa ber í huga að það þarf ekki að gefa nein fyrirheit um árangur í framtíð þótt regla virðist hafa skilað góðum árangri í fortíð. Því fer fjarri að árangur Canakaris sé það miklu betri en markaðarins að meðaltali að munurinn sé tölfræðilega marktækur.

Frekara lesefni á Vísindavefnum:

Mynd:

Höfundur

Gylfi Magnússon

prófessor í hagfræði við HÍ

Útgáfudagur

27.11.2000

Spyrjandi

Guðni Eiríksson

Tilvísun

Gylfi Magnússon. „Hver er þumalputtaregla Canakaris?“ Vísindavefurinn, 27. nóvember 2000. Sótt 10. júlí 2020. http://visindavefur.is/svar.php?id=1186.

Gylfi Magnússon. (2000, 27. nóvember). Hver er þumalputtaregla Canakaris? Vísindavefurinn. Sótt af http://visindavefur.is/svar.php?id=1186

Gylfi Magnússon. „Hver er þumalputtaregla Canakaris?“ Vísindavefurinn. 27. nóv. 2000. Vefsíða. 10. júl. 2020. <http://visindavefur.is/svar.php?id=1186>.

Chicago | APA | MLA

Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hver er þumalputtaregla Canakaris?
Hér er væntanlega verið að vísa til þumalputtareglu sem Ronald nokkur Canakaris beitir við val á hlutabréfum. Canakaris þessi stjórnar nokkrum bandarískum verðbréfasjóðum og starfar hjá fyrirtæki sem heitir Montag & Caldwell.

Canakaris einbeitir sér að stórum fyrirtækjum, með markaðsvirði umfram þrjá milljarða dollara. Hann reynir að finna fyrirtæki sem líklegt er að skili vaxandi hagnaði í framtíðinni og hafa skilað að minnsta kosti 10% vexti hagnaðar undanfarin ár. Með því að reikna út svokallað núvirði hagnaðar fyrirtækjanna miðað við spá hans um hagnað næsta áratug finnur hann út áætlað virði þeirra. Ef þetta mat hans á virði fyrirtækis er að minnsta kosti fjórðungi hærra en markaðsverð þess nú þá telur hann góð kaup í fyrirtækinu og kaupir bréf í því fyrir hönd sjóða sinna. Hann selur svo bréfin aftur ef markaðsverð þeirra er orðið jafnhátt eða hærra og mat hans á virði þeirra.

Þessi þumalputtaregla hefur skilað þokkalegum árangri. Helsti sjóðurinn sem Canakaris stjórnar hefur undanfarinn áratug skilað ávöxtun sem er um einu og hálfu prósentustigi hærri á ári en ávöxtun 500 stærstu hlutafélaga Bandaríkjanna að meðaltali.

Áhugamenn um hlutabréf gera sumir hverjir mikið úr svona þumalputtareglum en hafa ber í huga að það þarf ekki að gefa nein fyrirheit um árangur í framtíð þótt regla virðist hafa skilað góðum árangri í fortíð. Því fer fjarri að árangur Canakaris sé það miklu betri en markaðarins að meðaltali að munurinn sé tölfræðilega marktækur.

Frekara lesefni á Vísindavefnum:

Mynd: